وسكەمەن تۇرعىنى جولدىڭ ۇستىنە ۇستەل مەن ورىندىق قويىپ، كولىكتەر ءجۇرىپ جاتقاندا بەينە تۇسىرگەن. لايك قۋعان بۇل ارەكەت زاڭ الدىندا جاۋاپكەرشىلىككە اكەپ سوقتى، دەپ حابارلايدى infohub.kz سايتى.
NUR.KZء-تىڭ Polisia.kz-كە سىلتەمە جاساپ حابارلاۋىنشا، 22 جاستاعى وسكەمەن تۇرعىنى الەۋمەتتىك جەلىلەردە جولدا تۇسىرىلگەن ءقاۋىپتى بەينە پايدا بولعان سوڭ جاۋاپكەرشىلىككە تارتىلدى.
«الەۋمەتتىك جەلىلەردە بلوگەرلەردىڭ جولدىڭ ۇستىنە ۇستەل مەن ورىندىق قويىپ، كولىكتەر ءجۇرىپ جاتقاندا بەينە تۇسىرگەنى تۋرالى ۆيدەو تارادى»، — دەلىنگەن حابارلامادا.
«ق ر ءىىم جاڭالىقتارى» Telegram-ارناسىندا 22 جاستاعى قالا تۇرعىنى قولدانىستاعى زاڭناماعا سايكەس جاۋاپكەرشىلىككە تارتىلعانى ناقتىلاندى.
«پوليسيا ەسكەرتەدى: اسەرلى كادرلار ءۇشىن جولدا ءقاۋىپ توندىرەتىن ارەكەتتەرگە بارماڭىزدار. جولعا بوگدە زاتتار قويۋ كولىك قوزعالىسىنا كەدەرگى كەلتىرىپ، جول قوزعالىسىنا قاتىسۋشىلاردىڭ ءومىرى مەن دەنساۋلىعىنا ءقاۋىپ ءتوندىرۋى مۇمكىن»، — دەپ قوستى ىشكى ىستەر مينيسترلىگى.
بۇعان دەيىن شىعىس قازاقستان وبلىسىنىڭ تۇرعىنى جارناما ءتۇسىرۋ ءۇشىن جولدا ءقاۋىپتى تريۋك جاساپ، جاۋاپكەرشىلىككە تارتىلعانى حابارلانعان بولاتىن.