وسكەمەندەگى كافەلەردىڭ بىرىندە 4 قازانعا قاراعان ءتۇنى جانجال بولىپ، ونىڭ قۇربانى 40 جاستاعى پوليسيا قىزمەتكەرى بولدى، دەپ حابارلايدى infohub.kz سايتى.
قايعىلى وقيعا ورنىنان تۇسىرىلگەن كادرلاردى نalyqstan Telegram-ارناسى جاريالادى. ونىڭ مالىمەتىنشە، ەر ادام قىزمەتتەن تىس ۋاقىتتا وسى مەكەمەدە بولعان. ول ءوزىن دۇرىس ۇستاماعان كەلۋشىگە ەسكەرتۋ جاساعان. وعان جاۋاپ رەتىندە ول كوشەدە قۋىپ جەتىپ، بەتىنەن تەپكەن.
العان جاراقاتتارىنان ەر ادام كوز جۇمدى.
وقيعا تۋرالى العاشىندا جەرگىلىكتى پابليكتەر حابارلادى. سونىمەن قاتار وسكەمەن تۇرعىندارى 4 قازاندا قالادا پوليسيانىڭ كولىكتەردى تەكسەرۋىنە نازار اۋداردى. كولىكتەر، ونىڭ ىشىندە ءۇلبى كوپىرىندە توقتاتىلىپ، جۇرگىزۋشىلەردىڭ قۇجاتتارى تەكسەرىلدى. الەۋمەتتىك جەلىلەردە قۇقىق قورعاۋ ورگاندارى جانجالعا قاتىسۋشىنى ىزدەۋى مۇمكىن دەگەن بولجام ايتىلدى.
كەيىن شىعىس قازاقستان وبلىسىنىڭ پوليسيا دەپارتامەنتى ءوز قىزمەتكەرىنىڭ قازا تاپقانىن راستاپ، كۇدىكتىنىڭ ۇستالعانىن مالىمدەدى.
«بولعان وقيعا بويىنشا قىلمىستىق ءىس قوزعالدى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى»، — دەدى پوليسيادا.
ۆەدومستۆو تەرگەۋ جالعاسىپ جاتقانىن، سوندىقتان تەرگەۋ مۇددەسى ءۇشىن وزگە مالىمەتتەر جاريالانبايتىنىن ناقتىلادى.
بۇعان دەيىن «كۋرسيۆ» الماتى وبلىسىنىڭ تاۋلارىندا كۇيىپ كەتكەن دەنەسى تابىلعان 37 جاستاعى اعا جەدەل ۋاكىل اسلان السەروۆتىڭ ءولتىرىلۋى تۋرالى جازعان بولاتىن. ءىس بويىنشا بىرنەشە ادام، ونىڭ ىشىندە قازا تاپقان پوليسەيدىڭ ايەلى مەن ۇلى ۇستالدى.