وزبەكستاننىڭ ەرلەر فۋتبول قۇراماسى جاپونيادا ءوتىپ جاتقان XX جازعى ازيا ويىندارىندا فيليپپين كومانداسىن 5:1 ەسەبىمەن تىزە بۇكتىرىپ، جارىستى ءىرى جەڭىسپەن باستادى. س توبىنىڭ ءبىرىنشى تۋرىنداعى ويىن ناگويادا ءوتتى، دەپ حابارلايدى infohub.kz سايتى.
جەڭىمپازدار ساپىندا ءدۋبلدى سايدۋمارحون سايدنۋرۋللايەۆ جاسادى — ول 60-شى جانە 71ء-شى مينۋتتاردا كوزگە ءتۇستى. تاعى ءبىر دوپتى مۋحاممادالي ۋرينبويەۆ (30-شى مينۋت)، رۋزيبوي فايزۋللايەۆ (73) جانە مۋحاممەدالي رەيموۆ (80) سوقتى.
فيليپپيندىكتەردىڭ جالعىز گولىن مارتين مەرينو 62ء-شى مينۋتتا ەنگىزدى. ويىندى ولاردىڭ كومانداسى ادام سانى كەم كۇيدە اياقتاۋعا ءماجبۇر بولدى: 48ء-شى مينۋتتا گاۆين مۋەنس الاڭنان قۋىلدى.
توپتاعى قاتارلاس ويىندا ۆەتنام مەن كۋۆەيت قۇرامالارى تەڭ ءتۇستى — 1:1. وسى ءىرى جەڭىستىڭ ارقاسىندا وزبەكستاندىقتار ءۇش ۇپاي جيناپ، تورتتىكتى باستاپ تۇر.
ازيادا-2026 ەرلەر فۋتبول تۋرنيرىنە ءتورت توپقا بولىنگەن 15 كوماندا قاتىسىپ جاتىر. پلەي-وففقا ءار توپتان ەكى ۇزدىك قۇراما شىعادى.
كوماندالاردىڭ قۇرامى نەگىزىنەن 23 جاسقا تولماعان ويىنشىلاردان جاساقتالعان، بۇعان قوسا وتىنىمگە ءۇش ۇلكەن جاستاعى فۋتبولشىنى قوسۋعا رۇقسات ەتىلگەن.