وزبەكستاننىڭ «پاحتاكورى» ازيا فۋتبول كونفەدەراسياسىنىڭ ەليتالىق چەمپيوندار ليگاسىنىڭ قازىرگى جەڭىمپازى ساۋدتىق «ال-احليمەن» 1:1 ەسەبىمەن تەڭ وينادى، دەپ حابارلايدى infohub.kz سايتى.
كەزدەسۋ جيدداداعى «كينگ ابدۋللا سپورتس سيتي» ستاديونىندا ءتۋرنيردىڭ جالپى كەزەڭىنىڭ ءبىرىنشى تۋرى اياسىندا ءوتتى. ەكى گول دا ويىن سوڭىندا سوعىلدى: قوناقتار 86-مينۋتتا برازيليالىق شابۋىلشى فلاماريوننىڭ ءدال سوققىسىمەن العا شىقتى، الايدا الاڭ يەلەرى قوسىلعان ۋاقىتتا — 90+3-مينۋتتا ساۋدتىق فورۆارد فيراس ال-بۋرايكاننىڭ گولىمەن ەسەپتى تەڭەستىردى.
وسىلايشا، ەكى كوماندا دا ءبىر-بىر ۇپايدان جينادى. ولار ازيا چەمپيوندار ليگاسىنىڭ باتىس كونفەرەنسياسىندا وينايدى. ودان دا، شىعىس كونفەرەنسياسىنان دا سەگىز تۋرعا ەسەپتەلگەن جالپى كەزەڭ قورىتىندىسى بويىنشا ۇزدىك سەگىز كلۋب پلەي-وففقا شىعادى.
«ءال-احلي» وتكەن ەكى ماۋسىمدا افك ەليتالىق چەمپيوندار ليگاسىنىڭ جەڭىمپازى اتانعان. «پاحتاكور» الدىڭعى روزىگرىشتا پلەي-وففقا شىققان، ءبىراق سوندا بىردەن ساۋدتىق «ءال-حيليالعا» جول بەرگەن.
14 قىركۇيەكتەگى ەليتالىق ازيا چەمپيوندار ليگاسىنداعى ويىن كۇنىنىڭ تولىق ناتيجەلەرى:
«نەفچي» (وزبەكستان) — «ال-كۋۆا» (يراك). 1:0
«شاباب ءال-احلي» (ءباا) — «تراكتور» (يران). 1:0
«ەش-شامال» (كاتار) — «ءال-يتتيحاد» (ساۋد ارابياسى). 1:1
«ءال-احلي» (ساۋد ارابياسى) — «پاحتاكور» (وزبەكستان). 1:1
«ەستەگليال» (يران) — «ءال-سادد» (كاتار). 3:0
«ال-كاديسيا» (ساۋد ارابياسى) — «ءال-ۆاسل» (ءباا). 2:1