قازاقستاننىڭ ەرلەر بوكس قۇراماسىنىڭ باس باپكەرلەر شتابى ازيا ويىندارى-2026-عا قاتىساتىن قۇرامدى انىقتادى. بۇل تۋرالى infohub.kz سايتى حابارلايدى.
ۇلتتىق قۇرامانىڭ وتىنىمىنە التى سپورتشى ەندى: ماحمۇد سابىرحان (55 كەلىگە دەيىن)، ورازبەك اسىلقۇلوۆ (60 كەلىگە دەيىن)، تورەحان سابىرحان (70 كەلىگە دەيىن)، سابىرجان اققالىقوۆ (80 كەلىگە دەيىن)، نۇربەك ورالباي (90 كەلىگە دەيىن) جانە ايبەك ورالباي (90 كەلىدەن جوعارى).
بۇعان دەيىن قازاقستاننىڭ ايەلدەر قۇراماسىنىڭ قۇرامى بەلگىلى بولعان ەدى. ازيا ويىندارىندا الۋا بالكيبەكوۆا (51 كەلىگە دەيىن)، نازىم قىزايباي (54 كەلىگە دەيىن)، ۆيكتوريا گرافەەۆا (60 كەلىگە دەيىن)، ايدا ابيكەەۆا (65 كەلىگە دەيىن) جانە ناتاليا بوگدانوۆا (75 كەلىگە دەيىن) ونەر كورسەتەدى.
ازيا ويىندارى-2026-نىڭ اشىلۋ سالتاناتى 19 قىركۇيەككە جوسپارلانعان، ال بوكس ءتۋرنيرى 21 قىركۇيەكتە باستالادى.