قازاقستان مەن وزبەكستان دەپۋتاتتارى پارلامەنتارالىق ىنتىماقتاستىقتى كۇشەيتەدى
قازاقستان مەن وزبەكستان دەپۋتاتتارى پارلامەنتارالىق ىنتىماقتاستىقتى كۇشەيتەدى
استانا قالاسىندا وتكەن كەزدەسۋ بارىسىندا ق ر پارلامەنتى ءماجىلىسىنىڭ ءتوراعاسى ەرلان قوشانوۆ پەن وزبەكستان وليي ءماجليسى زاڭ شىعارۋ پالاتاسىنىڭ سپيكەرى نۋريددين يسمويلوۆ ەكى ەل اراسىنداعى پارلامەنتارالىق بايلانىستى كەڭەيتۋ مەن بىرلەسكەن جۇمىستى كۇشەيتۋگە كەلىستى.
وتىرىستا تاراپتار سوڭعى جىلدارى قازاقستان مەن وزبەكستان اراسىندا جوعارى دەڭگەيدەگى ءوزارا ساپارلار جيىلەپ، ماڭىزدى تاريحي قۇجاتتارعا قول قويىلعانىن اتاپ ءوتتى. اتاپ ايتقاندا، وداقتاستىق قاتىناستار تۋرالى شارت، مەملەكەتتىك شەكارانى دەماركاسيالاۋ تۋرالى كەلىسىم جانە 2024-2034 جىلدارعا ارنالعان ستراتەگيالىق ارىپتەستىك باعدارلاماسى.
"ەكى ەل پرەزيدەنتتەرىنىڭ ساياسي ەرىك-جىگەرى مەن دانالىعىنىڭ ارقاسىندا قازاق-وزبەك بايلانىسى بۇرىن-سوڭدى بولماعان بيىك دەڭگەيگە جەتتى. بۇگىندە 100-دەن استام كەلىسىمنەن تۇراتىن بەرىك شارتتىق-قۇقىقتىق بازا قۇرىلدى"، – دەدى ەرلان قوشانوۆ.
ءماجىلىس سپيكەرى سونداي-اق پرەزيدەنتتەردىڭ ىقپالداستىقتىڭ باسىم باعىتتارىن ايقىنداپ، ولاردى جۇزەگە اسىرۋعا ناقتى تاپسىرمالار بەرگەنىن ايتتى. كەزدەسۋ قورىتىندىسى بويىنشا تاراپتار زاڭنامالىق دەڭگەيدە ءوزارا ءىس-قيمىلدى كۇشەيتىپ، ەكونوميكا، كولىك، مادەنيەت جانە قاۋىپسىزدىك سالالارىنداعى بىرلەسكەن جوبالاردى قولداۋعا دايىن ەكەندەرىن ءبىلدىردى.
You Might Also Like
-
استانا. ۇكىمەت وتىرىسىندا عىلىم جانە جوعارى ءبىلىم ۆيسە-مينيسترى تالعات ەشەنقۇلوۆ بيىلعى وقۋ جىلىنا بولىنگەن گرانتتار مەن شاكىرتاقى مولشەرىنە قاتىستى مالىمەت بەردى. ونىڭ ايتۋىنشا، 2024-2025 وقۋ جىلى...
-
امەريكالىق ميللياردەر يلون ماسك ارنايى ۇكىمەتتىك قىزمەتكەر رەتىندەگى لاۋازىمىنان كەتەتىنىن جاريالادى.
