قوجاناسىردى ايەلى بازاردان كىلەم ساتىپ الۋعا جۇمسايدى، ءبىراق ون تۋماننان ارتىق تولەمەۋدى تاپسىرادى. قوجاناسىر بازارعا كوڭىل كوتەرۋ ءۇشىن عانا بارادى ەكەن جانە ساۋدالاسۋعا دا يكەمى جوق ەكەن. ول اپاي-توپاي ون ءۇش تۋمانعا كىلەم ساتىپ الادى دا، جۇرتتىڭ كوڭىلىن كوتەرۋگە كىرىسەدى.
جۇرتشىلىق تاراي باستاعاندا قوجاناسىر ايەلىنىڭ تاپسىرماسى ەسىنە ءتۇسىپ، كوپ باس قاتىرىپ جاتپاي، ءبىر سومعا قوراز ساتىپ الادى.
— كارى قىلجىڭ، قايدا ءجۇرسىڭ؟ — دەپ قاتىنى زىكىر سالادى. — كانە، نە ساتىپ الدىڭ؟
قوجاناسىر اۋىر دەم الىپ، كىلەمدى جايادى.
— كىلەمدى قانشاعا الدىڭ؟ — دەپ سۇرايدى ايەلى.
— جارقىنىم، سەن ريزا بولاسىڭ، ءبىر سوم تولەدىم، — دەيدى قوجاناسىر — ءبىراق يەسى كىلەمدى تەك قورازبەن بىرگە ساتادى ەكەن. ال قوراز وتە قىمبات — ون ءۇش تۋمان تۇرادى.