ءبىر كۇنى قوجاناسىردىڭ ەگىسىنە كورشىسىنىڭ وگىزى ءتۇسىپ، اياعىمەن تاپتاپ، جەپ ءجۇر ەكەن. كوزى شالىپ قالعان قوجاناسىر وگىزدى ۇستاپ الىپ، ۇيىنە جەتەكتەپ اكەلەدى دە، «ەگىندى جەپ، تاپتاپ تاستاۋدىڭ جازاسى — سويۋ» دەپ وگىزدى باۋىزداپ تاستايدى.
سۇراۋ سالا جۇرگەن وگىزدىڭ يەسى:
— قوجەكە، ءىزى-تۇزى وسى سىزدەن شىعىپ وتىر، سول ءۇشىن كەلىپ وتىرمىن، — دەپتى. ەكەۋى قاتتى اشۋلانىپ، ەرەگىسىپ كەتەدى.
ءبىر كەزدە قوجاناسىر:
— كوپ اشۋىمدى كەلتىرە بەرمە، بۇيىتە بەرسەڭ، وگىزدىڭ تەرىسىن كورسەتەمىن دە، وزىڭە ەگىننىڭ قۇنىن تولەتەمىن، — دەگەن ەكەن.