قولونەر - زور ونەر (1)
"شەبەردىڭ قولى التىن"، - دەيدى اتام قازاق. سوزگە دە شەبەر، ىسكە دە ۇستا حالقىمىزدىڭ زور مادەنيەتى مەن ونەرىن پاش ەتەتىن قۇندىلىقتارىنىڭ ءبىرى - ونىڭ قولونەرى. اعاشتان، تەمىردەن ءتۇيىن تۇيگەن، جۇننەن كوز جاۋىن الاتىنداي بۇيىم جاساعان، اسىل تاستاردان ءسان بۇيىمدارىن سوققان، سۇيەك پەن ءمۇيىزدى، ءشيدى قيىنىنان قيىستىرعان حالىق شەبەرلەرىنىڭ ءىسى - ماقتاۋعا تۇراتىن ونەر تۋىندىسى.
قولونەر - حالىقتىڭ ءوز قولىمەن جاسايتىن، ۇلتتىق مادەنيەت پەن ونەر تۋىندىسى
ءداۋىت - پايعامبار، ۇستالار مەن شەبەرلەردىڭ ءپىرى.
ۇستا - تەمىردەن زاتتار جاسايتىن شەبەر.
زەرگەر - اسىل تاستاردان، التىن، كۇمىستەن بۇيىمدار جاسايتىن شەبەر.
تىگىنشى - كيىم تىگەتىن شەبەر.
ەتىكشى - اياق كيىمدەر تىگەتىن شەبەر.
ءۇيشى - كيىز ءۇي سۇيەكتەرىن جاسايتىن شەبەر.
ءورىمشى - قايىستان ات ابزەلدەرىن جاسايتىن شەبەر.
ەرشى - ەر شاباتىن، شەبەرلەر تىلىمەن ايتقاندا "ەر قوساتىن" ادام.
اعاش شەبەرى - اعاشتان زاتتار جاسايتىن شەبەر.
ءبادىزشى - تاستان ءتۇرلى پىشىندەر، زاتتار جاسايتىن شەبەر.
توقىماشى - توقىما بۇيىمدارىن جاسايتىن شەبەر.
مياسار - ونەردىڭ بىرنەشە ءتۇرىن يگەرگەن شەبەر.
ارا - اعاش، تەمىر كەسەتىن ءتىستى اسپاپ.
اسقاق تەمىر - ءبىر اياعى ۇزىن، ءبىر اياعى قىسقا سيركۋل تارىزدەس ولشەۋىش، ءارى ويۋ سالاتىن قۇرال.
باقاۋىز - تەمىردى سوققاندا ۇستايتىن ءتىسسىز اسپاپ.
بالعا - سوعاتىن، قاعاتىن اسپاپ.
بۇرعى - اعاش تەسەتىن قۇرال.
ءبىز (بىگىز) - ەتىكشى قۇرالى.
بىلتەگىش - توقىماشىنىڭ توقۋ قۇرالى.
جونعى - اعاش قابىعىن جوناتىن قۇرال.
ينە - تىگىن قۇرالى.
جۋالدىز - ۇلكەن ينە.
كوزەمەل ينە - كوزى ۇلكەن ينە.
ينەلىك - اعاشتان، سۇيەكتەن جاسالعان اۋ توقيتىن قۇرال.
تەبەن - قالىڭ بۇيىمدار (تەكەمەت، كيىز) تىگەتىن ۇلكەن ءارى جۋان ينە.
ەگەۋ - تەمىر ەگەيتىن قۇرال.
مايموڭكە - ۇشى قيسىق ينە. تەرمە ءجىبىن تەرەتىن قايقىباس كىشكەنتاي اعاش.
سىدىرعىش - ءورىمشىنىڭ ءورىمدى تەگىستەيتىن سۇيەكتەن، قاتتى اعاشتان جاسالعان قۇرالى.
ساباۋ - ءجۇن سابايتىن ۇزىنشا جىڭىشكە اعاش.
سوياۋ - تالدىرما كيىزدەردى جورمەيتىن، تىگەتىن سۇيەكتەن، اعاشتان جاسالعان ينەنىڭ ءبىر ءتۇرى.
سۇرگى - تەرىنىڭ كوك ەتىن الاتىن، اعاشتى تەگىستەپ وڭدەيتىن قۇرال.
كەسكىر - تەمىر كەسەتىن قۇرال.
كورىك - ۇستانىڭ شوق ۇرلەيتىن قۇرالى.
كەمپىراۋىز - قىشقاشتىڭ ءبىر ءتۇرى، ۇستا قۇرالى.
قىشقاش - وڭدەلەتىن، جاسالاتىن زاتتى تىستەپ تۇراتىن قۇرال.
قايراق - قۇرالداردى وتكىرلەۋ ءۇشىن ونىڭ ءجۇزىن قايرايتىن تاس.
You Might Also Like
