قوستانايدا 21 جاستاعى جەرگىلىكتى تۇرعىن جولدىڭ ۇستىندە ادەيى دريفت جاساپ، شينالارىمەن جول توسەمىن ءبۇلدىردى. ول دەرەۋ قاماۋعا الىندى — بولعان وقيعا تۋرالى infohub.kz سايتى حابارلايدى.
قوستاناي وبلىسى پوليسيا دەپارتامەنتىنىڭ ءباسپاسوز قىزمەتى ءمالىم ەتكەندەي، وبلىس ورتالىعىندا جولدا دريفت جاساعان جۇرگىزۋشى 15 تاۋلىككە قاماۋعا الىندى.
«پوليسەيلەر بەينەباقىلاۋ كامەرالارىنىڭ كومەگىمەن جولدىڭ ۇستىندە ادەيى دريفت جاساعان جۇرگىزۋشىنى انىقتادى. وسى مانەۆرلەردىڭ سالدارىنان جول توسەمىندە اۆتوكولىك شينالارىنىڭ ىزدەرى قالىپ، بەتكى قاباتى ءب ۇلىندى. بۇزۋشى انىقتالىپ، پوليسيا بولىمىنە جەتكىزىلدى. ول قوستاناي قالاسىنىڭ 21 جاستاعى تۇرعىنى م. ب. بولىپ شىقتى»، — دەدى دەپارتامەنتتە.
پوليسيا دەرەگىنشە، جىل باسىنان بەرى ول جول ءجۇرۋ ەرەجەلەرىن بۇزعانى ءۇشىن 16 رەت اكىمشىلىك جاۋاپكەرشىلىككە تارتىلعان. سونىمەن قاتار بۇرىن ۇساق بۇزاقىلىق ءۇشىن ءبىر رەت اكىمشىلىك جاۋاپكەرشىلىككە تارتىلعان.
سوت شەشىمىمەن وعان 15 تاۋلىك قاماۋ تۇرىندەگى اكىمشىلىك جازا تاعايىندالدى. جول توسەمىنىڭ ءب ۇلىنۋ سالدارى جويىلدى.