قوستاناي قالالىق سوتى اۆتوكولىك يەسىنىڭ قوستاناي اكىمدىگىنىڭ قۇرىلىس بولىمىنە قويعان تالاپ-ارىزىن قاناعاتتاندىرىپ، اشىق قاراۋ ليۋگىنە سوقتىعىسۋ سالدارىنان كەلتىرىلگەن زالال ءۇشىن وتەماقى ءوندىردى، دەپ حابارلايدى infohub.kz سايتى.
قوستاناي وبلىسى سوتتارىنىڭ رەسمي Telegram-ارناسىندا جاريالانعانداي، جول-كولىك وقيعاسى سالدارىنان كەلتىرىلگەن ماتەريالدىق زالالدى ءوندىرۋ تۋرالى ازاماتتىق ءىس قارالدى.
سوت انىقتاعانداي، وتكەن جىلدىڭ قازان ايىندا تالاپ قويۋشىعا تيەسىلى Chevrolet كولىگىنىڭ جۇرگىزۋشىسى بەرەكە شاعىن اۋدانىنداعى ءجۇرىس بولىگىندە ورنالاسقان اشىق قاراۋ ليۋگىنە سوقتىعىسقان. وقيعا سالدارىنان كولىككە مەحانيكالىق زاقىم كەلگەن.
بۇعان دەيىن جاۋاپكەر قاراۋ ليۋكتەرىن ۇستاۋ ەرەجەلەرىن بۇزىپ، كولىك زاقىمىنا اكەپ سوققان جكو ءۇشىن اكىمشىلىك جاۋاپكەرشىلىككە تارتىلعان.
سوت تالقىلاۋى بارىسىندا جاۋاپكەردىڭ وكىلى نىسانداعى قۇرىلىس جۇمىستارى اياقتالماعانىن، قاۋىپسىزدىك ءۇشىن مەردىگەر جاۋاپتى بولۋى ءتيىس ەكەنىن العا تارتىپ، تالاپتى قاناعاتتاندىرۋعا قارسىلىق ءبىلدىردى. الايدا سوت قاراۋ ليۋگى جاۋاپكەردىڭ جاۋاپتى ۇستاۋىندا بولعانىن، ال ونىڭ كىناسىن جوققا شىعاراتىن دالەلدەر ۇسىنىلماعانىن انىقتادى.
سوت شەشىمىمەن تالاپ تالاپتارى قاناعاتتاندىرىلدى. جاۋاپكەردەن تالاپ قويۋشىنىڭ پايداسىنا 205 400 تەڭگە ماتەريالدىق زالال، سونداي-اق باعالاۋعا جۇمسالعان 85 مىڭ تەڭگە ءوندىرىلدى.