قوستانايدا مامانداندىرىلعان اۋدانارالىق اكىمشىلىك سوت «ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامىنا قاتىستى ارەكەتتەردى داۋلاۋ تۋرالى تالاپ قويۋدى قارادى، دەپ حابارلايدى infohub.kz سايتى.
قوستاناي وبلىسى سوتتارىنىڭ رەسمي Telegram-ارناسىندا حابارلانعانداي، سوت جاۋاپكەردىڭ «جىلجىمايتىن م ۇلىككە قۇقىقتاردى (اۋىرتپالىقتاردى) مەملەكەتتىك تىركەۋ» مەملەكەتتىك قىزمەتىن الۋ ءۇشىن قۇجاتتاردى قابىلداۋدان باس تارتقانىن انىقتادى.
باس تارتۋعا اتقارۋشىلىق ءىس جۇرگىزۋ ناتيجەسىندە سالىنعان اۋىرتپالىقتاردىڭ بولۋى سەبەپ بولعان.
الايدا بۇل جاعدايدا «جىلجىمايتىن م ۇلىككە قۇقىقتاردى مەملەكەتتىك تىركەۋ تۋرالى» زاڭنىڭ 31-بابىنىڭ 1-1-تارماعىنىڭ 5-تارماقشاسىندا كوزدەلگەن نورما قولدانىلۋعا ءتيىس ەدى. اتالعان نورماعا سايكەس، ورتاق م ۇلىكتەگى ۇلەسكە قۇقىقتى تىركەۋ كەزىندە مەملەكەتتىك تىركەۋدى نەمەسە وزگە دە مەملەكەتتىك تىركەۋ وبەكتىسىن بولدىرمايتىن اۋىرتپالىقتار بولعان جاعدايدا قۇقىقتى تىركەۋدەن باس تارتۋ قولدانىلمايدى.
ءىستى قاراۋ بارىسىندا تاراپتار مەدياسيا ءراسىمىن پايدالانىپ، داۋدى رەتتەۋ تۋرالى كەلىسىمگە كەلدى.
كەلىسىم شارتتارىنا سايكەس، تالاپ قويۋشى مەدياتيۆتىك كەلىسىمدى بەكىتۋ تۋرالى سوت ۇيعارىمى زاڭدى كۇشىنە ەنگەن ساتتەن باستاپ 5 جۇمىس كۇنى ىشىندە جىلجىمايتىن م ۇلىك وبەكتىسى ورنالاسقان جەردەگى كەاق-قا زاڭنامادا كوزدەلگەن قۇجاتتاردىڭ تولىق توپتاماسىن قوسا بەرە وتىرىپ، «جىلجىمايتىن م ۇلىككە قۇقىقتاردى (اۋىرتپالىقتاردى) مەملەكەتتىك تىركەۋ» مەملەكەتتىك قىزمەتىن كورسەتۋ تۋرالى وتىنىشپەن جۇگىنۋگە مىندەتتەنەدى.
ءوز كەزەگىندە «ازاماتتارعا ارنالعان ۇكىمەت» مك» كەاق ءوتىنىشتى قابىلداپ، ءتيىستى مەملەكەتتىك قىزمەتتى كورسەتۋگە مىندەتتەنەدى.
مەدياتيۆتىك كەلىسىم سوت ۇيعارىمىمەن بەكىتىلدى.