گەرمانيادا وزەندەردىڭ تارتىلۋىنا بايلانىستى بۇرىنعى قۇرعاق جىلداردىڭ كۇندەرى قاشالعان «اشتىق تاستارى» اشىلدى، دەپ حابارلايدى infohub.kz سايتى.
بۇل تاستار عاسىرلار بويى ەگىننىڭ شىقپاۋىنىڭ بەلگىسى سانالعان: ولارعا سۋ دەڭگەيى ەرەكشە تومەن بولعان جىلداردى بەلگىلەپ وتىرعان. ولار ەلبا وزەنىنىڭ پيرنا قالاسى ماڭىندا پايدا بولدى. وبەرپوست اۋدانىنداعى وسىنداي تاستاردىڭ بىرىندە 20-دان استام كۇن قاشالعان، ولاردىڭ ەڭ ەرتەسى 1707 جىلعا جاتادى.
ەلباداعى سۋ دەڭگەيى ۇزاق ۋاقىت بويى ءبىر مەتردەن اسپاي تۇر، ال درەزدەندە 54 سانتيمەترگە دەيىن تومەندەدى. ايماقتاعى باسقا وزەندەر — مۋلدە، ۆايسە-ەلستەر، شپرەە جانە نەيسە دە ايتارلىقتاي تارتىلدى.
ايماقتا سيرەك نايزاعايمەن +34 گرادۋسقا دەيىن ىستىق اۋا رايى ساقتالۋدا، ال 10-11 تامىزدا +25 گرادۋسقا دەيىن قۇرعاق جانە شۋاقتى اۋا رايى كۇتىلۋدە.
بۇعان دەيىن سەربيا پرەزيدەنتى الەكساندر ۆۋچيچ دۋناي وزەنىنىڭ تارتىلۋىنا بايلانىستى جاقىن كۇندەرى كەمە جۇزۋگە جارامسىز بولاتىنىن مالىمدەگەن ەدى. ۆەنگريادا دۋنايدىڭ تارتىلۋى «پاكش» اەس-نىڭ ەنەرگوبلوكتارىنىڭ وشىرىلۋىنە اكەلدى. سونىمەن قاتار، سۋ دەڭگەيىنىڭ تومەندەۋىنەن ەكىنشى دۇنيەجۇزىلىك سوعىس كەزىندە باتقان كەمەلەر اشىلدى.
ەۋروپاداعى ۇزاققا سوزىلعان ىستىق اۋا رايى تەك ءىرى ورمان ورتتەرىنە عانا ەمەس، سونىمەن قاتار بۇرىن-سوڭدى بولماعان قۇرعاقشىلىققا اكەلدى. ۇلىبريتانيادا فەرمەرلەر ازىق-ت ۇلىك تاپشىلىعى مۇمكىن ەكەنىن ەسكەرتۋدە، ال ەۋروپانىڭ باستى وزەن ارتەريالارىنىڭ ءبىرى — رەين بويىنداعى كەمە ءجۇزۋ دە ءقاۋىپ ءتونىپ تۇر.