قىتايدىڭ ەڭ ءىرى كارتوپ ءوندىرۋشىسى — Snow Valley توبى — قازاقستاندا SnowValley Food Kazakhstan Group Holdings Ltd. حولدينگتىك كومپانياسىن تىركەدى. ول قۇنى $100-200 ملن بولاتىن كارتوپتى تەرەڭ وڭدەيتىن زاۋىت سالۋدى جوسپارلاپ وتىر، دەپ حابارلايدى infohub.kz سايتى.
جاڭا قۇرىلىم «استانا» حالىقارالىق قارجى ورتالىعىندا (احقو) 30 قىركۇيەكتە تىركەلگەنىن Finmentor.kz ارناسىنىڭ اۆتورى بايقاعان. كومپانيانىڭ جارعىلىق كاپيتالى $18. حولدينگتىك فۋنكسيالاردان بولەك، ول كارتوپتى وڭدەۋمەن جانە كونسەرۆىلەۋمەن اينالىسۋعا قۇقىلى.
ەكونوميست ارمان باتايەۆ ءوزىنىڭ Telegram-ارناسىندا جاڭا قازاقستاندىق كومپانيانىڭ اكسيونەرى — قىتايلىق Snow Valley توبىنىڭ وندىرىستىك بولىمشەسى Xuechuan Liupanshan Food (Ningxia) Co.، Ltd. ەكەنىن ناقتىلادى.
وسى قۇرىلىم ءساۋىر ايىندا پاۆلودار وبلىسىنىڭ اكىمدىگىمەن جىلىنا 100-200 مىڭ توننا قۋاتتىلىقتاعى كارتوپتى تەرەڭ وڭدەيتىن كەشەن سالۋ تۋرالى كەلىسىمگە كەلگەن. كاسىپورىن، سونىڭ ىشىندە فري كارتوپ شىعارۋعا باعىتتالادى، ال قۇنى $100-200 ملن دەپ باعالانادى.
Snow Valley Agricultural Group Co. Ltd — 2007 جىلى چجانسزياكوۋ قالاسىندا (جۇڭگو حالىق رەسپۋبليكاسى) قۇرىلعان حولدينگ. ونىڭ قۇرامىنا وڭدەۋ پاركتەرى، ۆيرۋسسىز تۇقىمدىق كارتوپ بازالارى جانە دامىعان لوگيستيكالىق جەلى كىرەدى. كومپانيا 800 مىڭ تونناعا دەيىن شيكىزاتتى وڭدەيدى.