Air Astana اۋەكومپانياسىنىڭ قىتايدىڭ ءىرى ساياحات پلاتفورماسى Ctrip-پەن ىنتىماقتاستىعى باستالعاننان بەرى ەكى اي ىشىندە قىتايلىق تۋريستەردىڭ الماتىعا اۆيابيلەتتەرگە سۇرانىسى 20 ەسە ءوستى، دەپ حابارلايدى infohub.kz سايتى.
الماتى قالاسىنىڭ تۋريزم باسقارماسىندا ايتىلعانداي، قالانى جۇڭگو تۋريستىك نارىعىندا ىلگەرىلەتۋ ناۋقانى 75،3 ميلليوننان استام پايدالانۋشىنى قامتىدى. بۇل ەكى اي ىشىندە جۇڭگو قالالارىنان الماتىعا بيلەت ساتىلىمىنىڭ 2025 جىلمەن سالىستىرعاندا 20 ەسە وسۋىنە اكەلدى.
ءقازىر قىتايلىق تۋريستەر دەربەس ساياحاتتاۋدى جانە بەلسەندى دەمالىستى تاڭدايدى. ولاردىڭ ەڭ تانىمال باعىتتارى — شىمبۇلاق، كولساي كولدەرى جانە ۇلكەن الماتى كولى.
كوبىنەسە ساياحاتشىلار الماتىعا تىكەلەي رەيستەرى بار قالالاردان كەلەدى: بەيجىڭ، شانحاي، ءۇرىمشى، گۋانچجوۋ، چەندۋ جانە سيان. ولاردىڭ جاسى — 35-49. دەگەنمەن، 25-34 جاستاعى جۇڭگو تۇرعىندارىنىڭ الماتىعا تۋريزمگە دەگەن ءۇردىس بايقالادى. ولاردى نەگىزىنەن تاۋ ءتۋريزمى قىزىقتىرادى.
بۇعان دەيىن Kursiv LifeStyle 2025 جىلى الماتىعا 2 ميلليونعا جۋىق قوناق كەلگەنىن جازعان بولاتىن. دەگەنمەن، ىشكى تۋريزم كارتاسىندا قالا ءبىرىنشى ورىندا ەمەس — ول تۇركىستان وبلىسىنان ءسال كەم تۇسەدى.