قازاقستاندىق ءانشى رينات شامشىراق جاڭا تۋعان ۇلىمەن ۆيدەو جاريالاپ، ءۇش باپ بويىنشا جاۋاپكەرشىلىككە تارتىلدى، دەپ حابارلايدى infohub.kz.
بىرنەشە اپتا بۇرىن اكە اتانعان ءانشى Instagram-داعى ۆيدەودا بالاسىن ارنايى قۇرىلعىسىز الدىڭعى ورىندىققا جات قىزىپ قويعان، ال جۇبايى ارتقى ورىندىقتا وتىرعان. وقىرماندار بالا تاسىمالداۋ ەرەجەسىن بۇزعانى ءۇشىن ءانشىنى سىنعا الدى.
Pro.pravo.kz اككاۋنتى Threads جەلىسىندە بۇزۋشىنى جازالاۋدى سۇراپ، الماتى قالالىق پوليسيا دەپارتامەنتىن بەلگىلەپ: «جول ءجۇرىسى ەرەجەسىن بۇزعانى ءۇشىن شارا قولدانىپ، بالا مۇددەسىندەگى اقپاراتتى قامقورشىلىق ورگاندارعا بەرىڭىزدەر... قامتۋ سانىن قۋۋ ءۇشىن قورعانسىز بالالار زارداپ شەكپەۋى كەرەك!» دەگەن.
الماتى پوليسيا دەپارتامەنتى جۇرگىزۋشى مەن جولاۋشىعا بالانى ارنايى ۇستاعىش قۇرىلعىسىز تاسىمالداعانى، كولىك جۇرگىزۋ كەزىندە ۇيالى تەلەفوندى پايدالانعانى جانە قاۋىپسىزدىك بەلدىگىن تاقپاعانى ءۇشىن اكىمشىلىك جاۋاپكەرشىلىك جۇكتەلگەنىن حابارلادى. جۇرگىزۋشىمەن پروفيلاكتيكالىق اڭگىمە جۇرگىزىلگەن.