پورتۋگاليالىق اتاقتى شابۋىلشى كريشتيانۋ رونالدۋ قايتادان جانكۇيەرلەر نازارىنا ىلىكتى — بۇل جولى گول سوققانى ءۇشىن ەمەس، سىرتقى كەلبەتى مەن ميميكاسى ءۇشىن. ساۋد ارابياسىنىڭ «ءال-ناسر» كلۋبى «ءال-حاليدج» كومانداسىمەن 1:1 ەسەبىمەن تەڭ وينادى، رونالدۋ 90 مينۋت بويى الاڭدا بولدى، ءبىراق گول سوعا المادى. ونىڭ جاڭا بەينەسى مەن بەت الپەتى مەمدەر تولقىنىن تۋدىردى، دەپ حابارلايدى infohub.kz سايتى.
تامىز ايىندا فۋتبولشى ادەتتەگى قارا شاش ءتۇسىن قىسقا اشىق، التىن-مىس رەڭكتى شاش ۇلگىسىنە اۋىستىرعان بولاتىن. ول بۇل بەينەدە دجوردجينا رودريگەسپەن ۇيلەنۋ تويىنان كەيىن العاش رەت كورىندى.
كەزەكتى ماچتان كەيىن الەۋمەتتىك جەلى قولدانۋشىلارى رونالدۋدىڭ بەت-الپەتىن تالقىلاي باستادى: ولار سويلەسكەن كەزدە ماڭدايىنىڭ مۇلدەم قوزعالمايتىنىن بايقادى. كەيبىر جانكۇيەرلەر ازىلدەپ، ناعىز اڭىزدى «بيوروبوتقا» اۋىستىرىپ قويدى دەپ بولجاسا، ەندى بىرەۋلەرى بوتوكس دەگەن قاراپايىم تۇسىنىكتەمە تاپتى.
پىكىر قالدىرۋشىلاردىڭ ءبىر بولىگى شابۋىلشىنى «پاسانى» سەريالىنىڭ كەيىپكەرى حوۋملەندەرگە ۇقساتتى. ولاردىڭ پىكىرىنشە، ماسەلە تەك سىرتقى ۇقساستىقتا ەمەس: رونالدۋدىڭ الاڭداعى بەت الپەتى مەن مىنەز-قۇلقى فورۆاردتىڭ جۇيكەسى توزۋعا جاقىن تۇرعانداي اسەر قالدىردى.
قىزىقتى ۇقساستىق رونالدۋدىڭ باستى قارسىلاسى ليونەل مەسسيدەن دە تابىلدى: ونى سول سەريالداعى سولداتيككە تەڭەدى.
بۇعان دەيىن Kursiv LifeStyle فۋتبولشىنىڭ ۇيلەنۋ تويىنا بايلانىستى ۇيىمداستىرعان قاراپايىم سالتاناتى تۋرالى جازعان ەدى: جۇپ بالالارى مەن بىرنەشە كۋاگەردىڭ قاتىسۋىمەن جەكە ءراسىم وتكىزدى.