الەمنىڭ ءبىرىنشى راكەتكاسى ەلەنا رىباكينا قازاقستانعا جاقىندا جاساعان ساپارى تۋرالى سۇراققا جاۋاپ بەرىپ، جوسپارلاعان ىستەرىنىڭ ءبارىن اتقارىپ ۇلگەرمەگەنىن مويىندادى، دەپ حابارلايدى infohub.kz سايتى.
جۋرناليستەرمەن اڭگىمە پەكيندەگى تۋرنير اياسىندا وتكەن ءباسپاسوز ءماسليحاتىندا بولدى. سپورتشىعا: «US Open-نان كەيىن قازاقستانعا بارىپ، جەڭىستى تويلاۋدى قاتتى قالايتىنىڭىزدى ايتقان ەدىڭىز. ەلىڭىزبەن بىرگە تويلاۋ بارىسىندا سىزگە ەرەكشە نە ەستە قالدى؟» — دەپ سۇراق قويىلدى.
تەننيسشىنىڭ ايتۋىنشا، ول جولاي سلوۆاكيادا ايالداما جاساپ، سودان كەيىن قازاقستانعا بەت العان.
«كوپ ساياحاتتاعاندىقتان، براتيسلاۆاعا سوقتىم. سوسىن قازاقستانعا باردىم. كەيبىر مىندەتتەمەلەرىمدى ورىندادىم. وكىنىشكە قاراي، قالاعان نارسەمدى، مىسالى، بالالارمەن ۋاقىت وتكىزۋدى، بىرنەشە كلينيكاعا بارۋدى ۇلگەرە المادىم. ۇيدە تاماشا دەمالىپ، تىنىعىپ الدىم. بارلىعى جاقسى ءوتتى»، — دەپ كەلتىرەدى ونىڭ ءسوزىن «چەمپيونات».
ەسكە سالايىق، ەلەنا رىباكينا ماۋسىمداعى سوڭعى مەيدجوردىڭ چەمپيونى اتانىپ، ءۇشىنشى ۇلكەن دۋلىعا تيتۋلىن جەڭىپ الدى. US Open قورىتىندىسى بويىنشا ول الەمنىڭ ءبىرىنشى راكەتكاسى مارتەبەسىندە دەبيۋت جاسادى.
وسىدان كەيىن قازاقستان پرەزيدەنتى قاسىم-جومارت توقايەۆ رىباكينامەن كەزدەسىپ، ونى قول جەتكىزگەن ناتيجەلەرىمەن قۇتتىقتادى، سونداي-اق كورنەكتى سپورتتىق جەتىستىكتەرى مەن قازاقستاندا تەننيستى دامىتۋعا جانە ناسيحاتتاۋعا قوسقان زور ۇلەسى ءۇشىن «بارىس» III دارەجەلى وردەنىمەن ماراپاتتادى.