الەمنىڭ ءبىرىنشى راكەتكاسى ەلەنا رىباكينا پەكيندەگى WTA 1000 ءتۋرنيرىنىڭ ەكىنشى اينالىمىنداعى كۇتپەگەن جەڭىلىسىنە قاتىستى پىكىر ءبىلدىردى، دەپ حابارلايدى infohub.kz سايتى.
ءباسپاسوز ءماسليحاتىندا قازاقستاندىق تەننيسشى ساتسىزدىكتىڭ سەبەبى وتە تىعىز كەستە مەن جيناقتالعان شارشاۋ بولعانىن ءتۇسىندىردى. ونىڭ ايتۋىنشا، اقش اشىق چەمپيوناتىنداعى جەڭىستەن كەيىن كوپ وقيعا بولىپ، تولىققاندى ۇيىقتاپ، قالپىنا كەلۋگە ۋاقىتى دەرلىك قالماعان.
«بۇگىن كورتتا وتە اۋىر كۇن بولدى. US Open-داعى جەڭىستەن كەيىن كوپ وقيعا بولدى، دۇرىس ۇيىقتاپ، قالپىنا كەلۋگە ۋاقىتىم بولمادى. الينانى قۇتتىقتايمىن، ول تاماشا ماچ وتكىزدى. كەزدەسۋدىڭ سوڭىنا قاراي اياعىمدا ازداپ جايسىزدىق سەزىنە باستادىم، سوندىقتان ماعان قالپىنا كەلۋگە ۋاقىت كەرەك. سونداي-اق الداعى بىرنەشە اپتاداعى كەستەنىڭ قانداي بولاتىنىن قاراۋ قاجەت. بارلىق جانكۇيەرگە قولداۋلارىڭىز ءۇشىن راقمەت. كەلەسى جىلى پەكيندە كەزدەسەمىز»، — دەپ كەلتىرەدى سپورتشىنىڭ ءسوزىن Sports.kz.
رىباكينا سونداي-اق قالپىنا كەلۋ ءۇشىن ءبىر اپتا ءۇزىلىس الۋدى جوسپارلاپ وتىرعانىن، سودان كەيىن جارىستارعا قايتا ورالاتىنىن مالىمدەدى.
«ءقازىر ءبىر اپتا دەمالىس الامىن. وسى ۋاقىتتا اياعىم تولىق قالپىنا كەلەدى دەپ ۇمىتتەنەمىن، سوندا قالعان تۋرنيرلەردە ويناپ، 2026 ماۋسىمىن اياقتاي الامىن»، — دەدى ول.
ەسكە سالايىق، ءبىر كۇن بۇرىن ەلەنا رىباكينا پەكيندە ارمەنيا وكىلى الينا چاراەۆاعا — الەمنىڭ 118-راكەتكاسىنا جول بەرگەن بولاتىن.