الەمنىڭ ەكىنشى راكەتكاسى ەلەنا رىباكينا سينسينناتيدەگى WTA 1000 ءتۋرنيرىنىڭ شيرەك فينالىندا پولياك تەننيسشىسى يگا شۆەنتەككە قارسى ويىندى اياقتاي المادى، دەپ حابارلايدى infohub.kz.
كەزدەسۋ نەبارى 28 مينۋتقا سوزىلدى. شۆەنتەك پايداسىنا 4:1 جانە 40:40 ەسەبىندە رىباكينا دەنساۋلىعىنا بايلانىستى ويىندى جالعاستىرۋدان باس تارتتى. الدىن الا مالىمەت بويىنشا، قازاقستاندىق سپورتشىنىڭ احيللەس سىڭىرىندە پروبلەمالار تۋىنداعان.
قىسقا ۋاقىت ىشىندە رىباكينا ءبىر ەيس جاسادى، ءبىر قوس قاتەلىك جىبەردى جانە بىردە-بىر برەيك-پوينتتى پايدالانا المادى. ال شۆەنتەك ەيس جاسامادى، ءبىر قوس قاتەلىك جىبەردى جانە جالعىز برەيك-پوينتتى ءساتتى پايدالاندى.
جارتىلاي فينالدا شۆەنتەك امەريكالىق دجەسسيكا پەگۋلامەن كەزدەسەدى.
ەسكە سالايىق، سينسينناتيدەگى جارىستىڭ فينالىنا شىققان جاعدايدا رىباكينا الەمنىڭ ءبىرىنشى راكەتكاسى اتاناتىن ەدى.