الەمنىڭ ءبىرىنشى راكەتكاسى، قازاقستاندىق تەننيسشى ەلەنا رىباكينا اعىمداعى ماۋسىمدا قارسىلاستارىنان دا كوپ جۇلدە اقىسىن تاپتى، دەپ حابارلايدى infohub.kz سايتى.
ساراپشىلار 2026 جىلعى ماۋسىمنىڭ ەڭ كوپ تابىس تاپقان تەننيسشىلەرىنىڭ رەيتينگىن جاسادى. رىباكينا جالپى ەسەپتە ۇزدىك ۇشتىككە ەنىپ، 10،8 ملن دوللار تاپتى. قازاقستاندىق تەننيسشىدەن جوعارى تەك گەرمانيا وكىلى الەكساندر زۆەريەۆ (14،7 ملن) مەن يتالياندىق ياننيك سيننەر (11،5 ملن) تۇر.
ايەلدەر اراسىندا ەلەنا كوش باستاپ تۇر. ايتا كەتەيىك، سومانىڭ باسىم بولىگى ءتورت ۇلكەن دۋلىعا ءتۋرنيرىنىڭ ىشىندەگى ەڭ ءىرى جۇلدە قورىن ۇسىناتىن اقش اشىق چەمپيوناتىنداعى جەڭىسىنەن كەلگەن.
جالپى بيىل 50 تەننيسشى — 23 ايەل جانە 27 ەر ادام — كورتتا كەمىندە 2 ملن دوللار تاپتى. ويىنشىلاردىڭ ءىرى جۇلدە الۋىنا كەلەسى مۇمكىندىك قاراشادا ATP قورىتىندى ءتۋرنيرى مەن WTA قورىتىندى تۋرنيرىندە تۋادى.
بۇعان دەيىن الەمنىڭ ءبىرىنشى راكەتكاسى ەلەنا رىباكينانىڭ 2026 جىلعى اقش اشىق چەمپيوناتىندا قانشا تاپقانى بەلگىلى بولعانىن حابارلاعانبىز. سونداي-اق قازاقستاندىق US Open-داعى تاريحي جەڭىسىنەن كەيىن سالىقتارعا بايلانىستى ميلليوندارىنان ايىرىلۋى مۇمكىن ەكەنىن جازعانبىز.