قازاقستاندىق ءانشى سادراددين بولات، Sadraddin دەگەن بۇركەنشىك اتپەن تانىمال، كوپبالالى اناعا پاتەر سىيلاپ، يگى ءىس جاسادى. بۇل اسەرلى ءسات ءارتىس ءوزىنىڭ Instagram-پاراقشاسىندا جاريالاعان ۆيدەودا تۇسىرىلگەن، دەپ حابارلايدى infohub.kz سايتى.
Sadraddin جاريالانىمىندا بالا كەزىنەن ءوز ءۇيىنىڭ بولعانىن ارمانداعانىن، اناسىمەن بىرگە جالدامالى پاتەردەن پاتەرگە ءجيى كوشۋگە ءماجبۇر بولعانىن ايتتى. «بۇگىن 5 جاسار ءسادرادديننىڭ ارمانى ورىندالدى»، — دەپ جازدى ول.
ءانشى كوپبالالى اناعا جاڭا پاتەردىڭ كىلتىن تابىس ەتتى. ايەل قۋانىشتان كوز جاسىن تىيا المادى، ال ونىڭ بالالارى دا قاتتى تەبىرەنتتى. جاس ءارتىس بۇل قادامى الەۋمەتتىك جەلى قولدانۋشىلارىنىڭ بويىندا ۇلكەن ەموسيا تۋدىردى.
جاريالانىم 79 مىڭنان استام لايك جينادى. پىكىرلەردە جانكۇيەرلەر مەن جۇلدىزدى ارىپتەستەر ءوز تاڭدانىسىن ءبىلدىردى: «جارايسىڭ، سەنىمەن ماقتانامىز»، «جاقسى ءىس جاسادىڭ»، «ايەل كۇلەدى، ءبىراق ونىڭ كۇلكىسىنىڭ ارتىندا باستان وتكەرگەن قانشاما قايعى جاتىر»، «قانداي جىگىت، ءوزى قيىندىقتىڭ نە ەكەنىن ءبىلىپ ءوستى»، «ناعىز ەر ادام»، «قانداي كەرەمەت، مەن قۋانىشتان جىلاپ جىبەردىم»، «بارلىق جاقسىلىق ساعان ءجۇز ەسە قايتسىن».