قازاقستان قۇراماسىنىڭ فۋتبولشىسى ماكسيم سامورودوۆ رەسەي پرەمەر-ليگاسىنىڭ (رپل) اعىمداعى ماۋسىمىنداعى العاشقى ناتيجەلى ارەكەتىن جاسادى، دەپ حابارلايدى infohub.kz سايتى.
گروزنىيدىڭ «احماتى» سەگىزىنشى تۋردا ءوز الاڭىندا ماحاچكالانىڭ «ديناموسىن» جەڭدى. كەزدەسۋ «احمات ارەنادا» ءوتىپ، 3:2 ەسەبىمەن الاڭ يەلەرىنىڭ پايداسىنا اياقتالدى.
جەڭىمپازدار ساپىندا افريكالىق جارتىلاي قورعاۋشىلار — ماليلىك كاليدۋ سيديبە (58ء-شى مينۋت) مەن انگولالىق مانۋەل كەليانۋ (85ء-شى) گول سوقتى. «احماتتىڭ» پايداسىنا كولۋمبيالىق قورعاۋشى اندرەس الاركون اۆتوگولمەن ەرەكشەلەندى (66-شى).
قوناقتار ساپىندا رەسەيلىك فۋتبولشىلار — شابۋىلشى گاميد اگالاروۆ (48ء-شى) مەن قورعاۋشى تەميركان سۋندۋكوۆ (64ء-شى) كوزگە ءتۇستى، ول ويىن سوڭىندا قىزىل قاعاز الدى (90+5).
رپل ماۋسىمىنداعى العاشقى ناتيجەلى ارەكەتىن ماكسيم سامورودوۆ جاسادى. ءوز كومانداسىنىڭ ءبىرىنشى گولىنا ول بۇرىشتان دوپتى اسىرىپ بەردى، ونى سيديبە توعىستىردى. نەگىزگى قۇرامدا شىققان سامورودوۆتى 85ء-شى مينۋتتا قازاقستان قۇراماسىنىڭ تاعى ءبىر شابۋىلشىسى عالىمجان كەنجەبەك الماستىردى.
جەڭىس «احماتقا» ون ۇپاي جيناۋعا مۇمكىندىك بەردى. قازاقستان قۇراماسىنىڭ بۇرىنعى باس باپكەرى ستانيسلاۆ چەرچەسوۆ جاتتىقتىراتىن گروزنىيلىقتار توعىزىنشى ورىنعا كوتەرىلدى. ماحاچكالانىڭ «ديناموسى» 12 ۇپايمەن التىنشى ورىندا تۇر.