سەمەي پروكۋراتۋراسى 31 ءبىلىم بەرۋ ۇيىمىندا دەربەس دەرەكتەر تۋرالى زاڭنامانىڭ بۇزىلعانىن انىقتادى. مەكتەپتەردىڭ رەسمي سايتتارىندا قىزمەتكەرلەر مەن وقۋشىلاردىڭ جەكە مالىمەتتەرى بار قۇجاتتار اشىق قولجەتىمدىلىكتە ورنالاستىرىلعان، دەپ حابارلايدى infohub.kz سايتى.
قاداعالاۋ ورگانىنىڭ مالىمەتىنشە، اتاپ ايتقاندا، 3 752 قىزمەتكەردىڭ تەگى، ءاتى-جونى، جەكە سايكەستەندىرۋ نومىرلەرى، تۋعان كۇندەرى، تۇرعىلىقتى مەكەنجايلارى مەن بايلانىس تەلەفون نومىرلەرى، سونداي-اق 344 كامەلەتكە تولماعان بالانىڭ مالىمەتتەرى جاريالانعان.
«مۇنداي مالىمەتتەردى ورنالاستىرۋ جەكە ومىرگە قول سۇعىلماۋشىلىقتىڭ بۇزىلۋىنا جانە ولاردى زاڭسىز پايدالانۋعا ءقاۋىپ ءتوندىردى»، — دەلىنگەن پروكۋراتۋرا حابارلاماسىندا.
قاداعالاۋ اكتىسى بويىنشا زاڭسىز ورنالاستىرىلعان مالىمەتتەر اشىق قولجەتىمدىلىكتەن الىنىپ تاستالدى، ال كىنالى تۇلعالار زاڭدا بەلگىلەنگەن جاۋاپكەرشىلىككە تارتىلدى.
«پروكۋراتۋرا دەربەس دەرەكتەر تۋرالى زاڭنامانىڭ تالاپتارىن، اسىرەسە ينتەرنەت جەلىسىندە اقپارات ورنالاستىرۋ كەزىندە قاتاڭ ساقتاۋ قاجەتتىگىن ەسكە سالادى»، — دەپ اتاپ ءوتتى قاداعالاۋ ورگانىندا.
بۇعان دەيىن شىعىس قازاقستان وبلىسىندا پروكۋرورلار 600-دەن استام پەداگوگتىڭ دەربەس دەرەكتەرىنىڭ تارالۋىن توقتاتقانى حابارلانعان بولاتىن.