قازاقستان ءبىرىنشى ليگاسىنىڭ 23-تۋرىندا كوش باستاپ تۇرعان قاراعاندىلىق «شاحتەر» «تاراز» قاقپاسىن اشا المادى — ماچ 0:0 ەسەبىمەن تەڭ اياقتالدى، ال الماتىدا «قايرات-جاستار» «ءحان-تاڭىرىن» 2:0 ەسەبىمەن جەڭدى، دەپ حابارلايدى infohub.kz سايتى.
قازاقستان پرەمەر-ليگاسىنا جولدامانى مەرزىمىنەن بۇرىن جەڭىپ العان قاراعاندىلىقتار ءوز الاڭىندا وتە تارتىستى ويىندا «تارازبەن» تەڭ ءتۇستى. تۋرنير باستالار الدىندا جوعارى ديۆيزيونعا شىعۋدى ماقسات ەتكەن قوناقتار ماۋسىم بارىسىندا امبيسيالارىنان ايىرىلدى، الايدا فۋتبول ويناۋدى ۇمىتقان جوق. كەزدەسۋ بارىسىندا ەكى كوماندا دا ەسەپ اشا الاتىن ەدى، ءبىراق ونى ىستەي المادى — 0:0.
«قايرات-جاستار» «حان-تاڭىرىمەن» ماچتىڭ ءبىرىنشى تايمىن ءدال وسىنداي ەسەپپەن اياقتاپ، ەكىنشى تايمدا داۋلەت ورىنباسار مەن ەۆگەني پەتريكتىڭ كۇشىمەن جەڭىسكە جەتتى. بۇل كوماندا ءۇشىن بىرىنشىلىكتەگى 17ء-شى جەڭىس بولدى.
«تۇران» ءوز الاڭىندا «ەلىماي-م» كومانداسىن 4:1 ەسەبىمەن جەڭىپ، كەلەسى ماۋسىمدا «تۇركىستان ارەنادا» ەليتالىق قارسىلاستاردىڭ ەشقايسىسىنا وڭاي بولمايتىنىن تاعى دا دالەلدەدى.
استانالىق جاستار «باتىردىڭ» قورعانىس شەبىن تاس-تالقان ەتتى — 7:1. سەگىز گول سوعىلعان ماچتا راحيمجان امانگەلدينوۆ دۋبل جاسادى.
تۋردىڭ قورىتىندى سەنبىلىك ماچىندا اۋتسايدەر «توبىل-م» سۇلتان باقىتقيرييەۆ، ەمين مۋسايەۆ جانە نۇرمۇباراك جاقسىلىقتىڭ گولدارىنىڭ ارقاسىندا «كاسپي» قۇرداستارىن ءىرى ەسەپپەن جەڭدى — 3:0.
23-تۋردىڭ قالعان ماچتارىنىڭ ناتيجەلەرى:
19 قىركۇيەك. «توبىل-م» (قوستاناي) — «كاسپي-م» (اقتاۋ) 3:0 (1:0). گولدار: باقىتقيرييەۆ 43 (1:0)، مۋسايەۆ 79 (2:0)، جاقسىلىق 90+1 (3:0).
18 قىركۇيەك. «ءحان-تاڭىرى» (الماتى) — «قايرات-جاستار» (الماتى) 0:2 (0:0). گولدار: ورىنباسار 64 (0:1)، پەتريك 74 (0:2).
«استانا-م» — «باتىر» (ەكىباستۇز) 7:1 (5:0). گولدار: احمەتوۆ 14 (1:0)، انۋاروۆ 19 (2:0)، قالتانوۆ 21 (3:0)، ابرايەۆ 22 (4:0)، امانگەلدينوۆ 34 (5:0)، قالىمبەتوۆ 56 (5:1)، ءۋاليحان 60 (6:1)، امانگەلدينوۆ 90+2 پەنالتي (7:1).
«تۇران» (تۇركىستان) — «ەلىماي-م» (سەمەي) 4:1 (2:0). گولدار: كەنەسوۆ 35 (1:0)، تۇرلىبەك 45 (2:0)، دۇيسەنبەك ۇلى 50 (3:0)، نۇراديلوۆ 52 (3:1)، جالمۇقان 83 (4:1).
17 قىركۇيەك. «ارىس» — «اقتوبە-م» 4:1 (2:0). گولدار: ۆاگانوۆ 1 (1:0)، مانسۋروۆ 39 (2:0)، بەگيموۆ 74 پەنالتي (2:1)، ز ۇلىپبەك 80 (3:1)، مولداقارايەۆ 74 (4:1).
«اكادەميا وڭتۇستىك» (شىمكەنت) — «جايىق» (ورال) 0:0. القايداروۆ (ا، 88) قىزىل قاعازبەن الاڭنان قۋىلدى.
«شاحتەر» (قاراعاندى) — «تاراز» 0:0.
ءبىرىنشى ليگانىڭ 24-تۋرى 8 جانە 9 قازاندا وتەدى.