قازاقستاندىق مانەرلەپ سىرعاناۋشى ميحايل شايدوروۆ يتاليادا وتكەن 2026 جىلعى وليمپيادا ويىندارىندا التىن العاننان كەيىنگى العاشقى رەسمي جارىسىن وتكىزدى. 22 جاستاعى سپورتشى براتيسلاۆا قابىلداعان «چەللەندجەر» سەرياسىنىڭ ءتۋرنيرى — وندرەي نەپەلا مەموريالىندا ونەر كورسەتۋدە، دەپ حابارلايدى infohub.kz سايتى.
قىسقا باعدارلامادا قازاقستاندىق ورەسكەل قاتەلىك جىبەرمەدى. ول تورتتىك لۋتس پەن ۇشتىك تۋلۋپتان تۇراتىن كاسكادتى، سونداي-اق ۇشتىك اكسەلدى تازا ورىندادى. تورتتىك تۋلۋپتا قونۋ كەزىندە كىشكەنە قاتەلىك كەتىپ، سەكىرۋدىڭ بازالىق قۇنىنا قاراعاندا باعا تومەندەدى.
سىرىق باعدارلاما قورىتىندىسى بويىنشا شايدوروۆ 95،98 بالل جينادى — بۇل ونىڭ قىسقا باعدارلاماداعى جاڭا جەكە رەكوردى. قازاقستاندىق كەستەدە ءۇشىنشى ورىنعا جايعاستى.
ارالىق كوشباسشى — بەيتاراپ مارتەبەدە سىرعاناعان رەسەيلىك ەۆگەني سەمەنەنكو (101،16). ەكىنشى ورىندا يتالياندىق دانيەل گراسسل (99،10) تۇر.
سلوۆاكيا استاناسىنداعى جارىستا ەركىن باعدارلامانى مانەرلەپ سىرعاناۋشىلار سەنبىدە، 26 قىركۇيەكتە ۇسىنادى.
قاتار گرۋزين باتۋميىندە جاسوسپىرىمدەر گران-پريىنىڭ كەزەڭى ءوتىپ جاتىر. قازاقستاندىق ارتۋر سماعۇلوۆ ەرلەر اراسىنداعى جەكە سىرعاناۋدا ەكى باعدارلامادان كەيىن 186،24 بالل جيناپ، سەگىزىنشى ورىن الدى.