قىرعىزستاندىق ارالاس جەكپە-جەك شەبەرى راجابالي شايدۋللايەۆ جاپوندىق Rizin FF ليگاسىنىڭ وساكاداعى تۋرنيرىندە تاريحي جەڭىسكە جەتتى، دەپ حابارلايدى infohub.kz سايتى.
ول جارتىلاي جەڭىل سالماقتا (66 كەلىگە دەيىن) Bellator-دىڭ بۇرىنعى چەمپيونى امەريكاندىق ەي دجەي ماككيمەن كەزدەستى. جەكپە-جەك ءۇش راۋندقا سوزىلىپ، تورەشىلەردىڭ ءبىراۋىزدان شەشىمىمەن اياقتالدى. ءۇش تورەشى دە شايدۋللاەۆتى 30:27 ەسەبىمەن جەڭىمپاز دەپ تانىدى.
25 جاستاعى قىرعىزستاندىق كاسىبي مما-داعى 20 جەكپە-جەگىنىڭ بارىندە جەڭىسكە جەتتى. ول Rizin FFء-تىڭ جارتىلاي جەڭىل سالماقتاعى تيتۋلىن ءتورتىنشى رەت قورعادى. سونىمەن قاتار شايدۋللايەۆ بوس تۇرعان PFL بەلدىگىن دە جەڭىپ الدى. قىرعىزستاندىق امەريكاندىق پروموۋشەننىڭ جارتىلاي جەڭىل ديۆيزيونىنداعى تۇڭعىش چەمپيونى اتاندى.
ماككيدىڭ ءۇش جەڭىسىنەن تۇراتىن سەرياسى ءۇزىلدى. ول PFL تيتۋلىنا ۇمىتكەر مارتەبەسىن ماۋسىم ايىندا قازاقستاندىق سالامات يسبۋلاەۆتى جەڭگەن كەزدە العان بولاتىن. 31 جاستاعى امەريكاندىقتىڭ ەسەبىندە ءقازىر 25 جەڭىس پەن ءۇش جەڭىلىس بار.
سونداي-اق وساكاداعى تۋرنيردە قازاقستاندىق قارشىعا داۋتبەك تە ونەر كورسەتتى. جارتىلاي جەڭىل سالماقتا ول جاپوندىق رەن حيراموتوعا بولەك شەشىممەن (28:29، 29:27، 28:29) جول بەردى.
32 جاستاعى داۋتبەك Rizin FF-تە العاش رەت جەڭىلدى. ونىڭ ەسەبىندە ءقازىر 19 جەڭىس، ءتورت جەڭىلىس جانە ناتيجەسىز اياقتالعان ءبىر جەكپە-جەك بار. 28 جاستاعى حيراموتو ۇزدىك كيكبوكسشى رەتىندە تانىمال. كاسىبي مما-دا جاپوندىقتىڭ ەسەبىندە ءقازىر بەس جەڭىس پەن ءۇش جەڭىلىس بار.