2026 جىلدىڭ 1 قىركۇيەگىنەن باستاپ شەتەلدىك جۇك كولىكتەرى اقىلى جولدارداعى تولەنبەگەن ايىپپۇلدارى بولسا، رەسەي اۋماعىنا كىرە نەمەسە شىعا المايدى. مۇنداي جاڭاشىلدىق رەسەي ۇكىمەتىنىڭ قاۋلىسىمەن ەنگىزىلىپ وتىر، دەپ حابارلايدى infohub.kz سايتى.
جاڭا ەرەجەلەر رەسەي ارقىلى وتەتىن بارلىق حالىقارالىق اۆتوموبيل تاسىمالدارىنا، ونىڭ ىشىندە ترانزيتتىك اۋىر جۇك كولىكتەرىنە دە قولدانىلادى. بۇل شارا شەتەلدىك تاسىمالداۋشىلاردىڭ تولەم ءتارتىبىن ارتتىرۋعا باعىتتالعان.
كەدەن ورگاندارىنىڭ قىزمەتكەرلەرى مەملەكەتتىك جانە مۋنيسيپالدىق تولەمدەر تۋرالى مەملەكەتتىك اقپاراتتىق جۇيە ارقىلى قارىزداردىڭ بار-جوعىن تەكسەرەتىن بولادى. قارىز انىقتالعان جاعدايدا، كەدەن شەتەلدىك فۋرانىڭ كىرۋىنە نەمەسە شىعۋىنا تىيىم سالۋ تۋرالى شەشىم شىعارادى، ال جۇرگىزۋشىگە اقىلى جولدارداعى ءجۇرۋ اقىسىن تولەۋ قاجەتتىگى تۋرالى تالاپ بەرىلەدى.