«شين-لاين» كومپانياسى قازاقستاندا كورەي تەحنولوگياسىمەن بالمۇزداق ءوندىرۋدى، سونداي-اق كورەيانىڭ چوللابۋك-دو پروۆينسياسىنىڭ ۇلگىسىمەن ازىق-ت ۇلىك كلاستەرىن قۇرۋدى كەلىستى. بۇل تۋرالى infohub.kz سايتى حابارلادى.
«شين-لاين» كومپانياسى پرەزيدەنت قاسىم-جومارت توقاەۆتىڭ وڭتۇستىك كورەياعا مەملەكەتتىك ساپارى اياسىندا جاسالعان كەلىسىمدەر تۋرالى مالىمدەدى. اتاپ ايتقاندا، اۋىل شارۋاشىلىعى مينيسترلىگىمەن بىرلەسىپ، بالمۇزداق پەن ءسۇت ونىمدەرىن وندىرەتىن جابدىق شىعارۋشى Sungwon Machinery Co. كومپانياسىمەن ءۇشجاقتى مەموراندۋمعا قول قويىلدى.
«شين-لاين» مەن Sungwon Machinery Co. وزىق ازيالىق تەحنولوگيالارعا نەگىزدەلگەن كورەي فورماتتى بالمۇزداق ءوندىرۋ جوباسىن بىرلەسىپ ىسكە قوسۋدى جوسپارلاپ وتىر. وسى تەحنولوگيالاردى ەنگىزىپ، بەيىمدەيتىن «شين-لاين ينجينيرينگ» كومپانياسى قۇرىلادى. ءسوز Dry Coater قۇرعاق گلازۋرلەۋ تەحنولوگياسى، جوعارى دالدىكتەگى سورعى ستانسيالارى جانە Summer Crunch سەريالى وندىرىستىك كەشەندەر تۋرالى بولىپ وتىر.
كورەي تاراپى ءوندىرىستى جاڭعىرتۋعا جانە قوسىلعان قۇنى جوعارى جاڭا ونىمدەر جاساۋعا مۇمكىندىك بەرەتىن ينجەنەرلىك شەشىمدەردى ەنگىزۋدى قامتاماسىز ەتەدى.
«ءبىزدىڭ مىندەتىمىز – كورەي تاجىريبەسىن قازاقستانعا اكەلۋ، ءوزىمىزدىڭ ينجەنەرلىك قۇزىرەتىمىزدى قالىپتاستىرۋ جانە حالىقارالىق جوعارى ستاندارتتارعا ساي جاڭا ونىمدەر جاساۋ. ءبىز مىقتى تەحنولوگيالىق سەرىكتەس تاڭدادىق جانە بۇل ىنتىماقتاستىق ۇزاق مەرزىمدى ناتيجە بەرەدى دەپ سەنەمىز»، – دەدى «شين-لاين» پرەزيدەنتى اندرەي شين.
كەلىسىم ءۇش جىلعا ەسەپتەلگەن. اۋىل شارۋاشىلىعى مينيسترلىگى جوباعا مەملەكەتتىك ورگاندار تاراپىنان قولداۋ كورسەتەدى.
سونىمەن قاتار Shin-Line Group كورەيانىڭ ازىق-ت ۇلىك ونەركاسىپتىك كلاستەرىن دامىتۋعا جاردەمدەسۋ ينستيتۋتىمەن قازاقستاندا وڭتۇستىك كورەيانىڭ باستى اگرارلىق جانە اۋىل شارۋاشىلىعى ورتالىعى سانالاتىن چوللابۋك-دو پروۆينسياسىنىڭ تاجىريبەسىنە نەگىزدەلگەن زاماناۋي ازىق-ت ۇلىك كلاستەرىن قۇرۋ تۋرالى كەلىستى. وندا مەملەكەتتىك Foodpolis كلاستەرى ورنالاسقان.
كورەيا ينستيتۋتى ءوز تاجىريبەسىمەن ءبولىسىپ، قازاقستانداعى بولاشاق ازىق-ت ۇلىك كلاستەرىنىڭ مودەلىن قالىپتاستىرۋعا ساراپتامالىق قولداۋ كورسەتەدى. ول وندىرىستىك قۋاتتاردى، عىلىمي-زەرتتەۋ زەرتحانالارىن جانە يننوۆاسيالىق ورتالىقتاردى ءبىر الاڭدا بىرىكتىرۋى ءتيىس.
كومپانيادا اتاپ وتكەندەي، كەلىسىم تەك ستراتەگيالىق جانە كونسۋلتاسيالىق سيپاتتا، تىكەلەي قارجىلىق ينۆەستيسيالاردى نەمەسە م ۇلىكتىك مىندەتتەمەلەردى كوزدەمەيدى. سونىمەن قاتار ول ازىق-ت ۇلىك يندۋسترياسىن دامىتۋ ءۇشىن وزىق ازيالىق تاجىريبەلەردى يگەرۋگە كومەكتەسۋى كەرەك.
«شين-لاين» كومپانياسى 1995 جىلى قۇرىلعان. كومپانيا برەندتەرىنىڭ قاتارىندا «ميشكا نا پوليۋسە» پلومبيرى، «سنەگوۆيك» جانە «بەلوچكا» ەسكيموستارى، «بومبا» بالمۇزداعى، «دجۋسيكي» جەمىس مۇزى جانە باسقالارى بار. «شين-لاين» قۇرىلتايشىلارى – اندرەي جانە ناتاليا شين.
بۇعان دەيىن «شين-لاين» جاپوندىق Shigemitsu Industry كورپوراسياسىمەن كەلىسىم جاساسقانى حابارلانعان. كومپانيا قازاقستاندا Ajisen Ramen جاپوندىق رامەن مەيرامحانالار جەلىسىنىڭ فرانشيزاسىن دامىتادى.