شىمكەنتتەگى ءورت سالدارىنان 2 مىڭعا جۋىق ابونەنت كوگىلدىر وتىنسىز قالدى. QazaqGaz Aimaq اق تج سەبەبىن اتادى، دەپ حابارلايدى infohub.kz سايتى.
وت جۇك كولىكتەرى مەن بۇرعىلاۋ جابدىقتارىن شارپىدى. كەلگەن ءورت سوندىرۋشىلەر جالىندى ءسوندىرىپ، ونىڭ تۇرعىن ۇيلەرگە تارالۋىنا جول بەرمەدى.
گاز قىزمەتتەرى وتىن بەرۋدى جەدەل توقتاتتى. ناتيجەسىندە 1،5 مىڭ جەكە تۇرعىن ءۇي، 340 پاتەر جانە ونداعان باسقا نىسان گازسىز قالدى.
جەر جۇمىستارىن جۇرگىزگەن كومپانياعا قاتىستى تەكسەرۋ باستالدى. بۇعان دەيىن وعان قاۋىپسىزدىك تەحنيكاسى تۋرالى ەسكەرتىلگەنى ايتىلادى. «18 تامىزدا فيليال ماماندارى وقيعا ورنىنا كەلىپ، گاز قۇبىرىنىڭ قورعانىش ايماعىن كورسەتتى. ونى بەلگىلەۋ ءۇشىن گاز قۇبىرىنىڭ جانىندا تەحنيكانى قولدانىپ جەر جۇمىستارىن جۇرگىزۋگە بولمايتىنىن، تەك قولمەن قازۋعا رۇقسات ەتىلەتىنىن ەسكەرتتى. الايدا مەردىگەر ۇيىم بۇنى ەسكەرمەي، كولبەۋ-باعىتتالعان بۇرعىلاۋ جۇمىستارىن ورىندادى. سونىڭ سالدارىنان وسى اپات بولدى»، — دەدى QazaqGaz Aimaq اق شىمكەنت وندىرىستىك فيليالى ءبولىمى باستىعىنىڭ ورىنباسارى ەلدار كۋاندىكوۆ.