شىمكەنت پروكۋراتۋراسى جەكە سوت ورىنداۋشىلارىنىڭ قىزمەتىنە تولەنەتىن اقىنى ءوندىرىپ الۋعا قاتىستى كونستيتۋسيالىق سوت شەشىمىنىڭ ءىس جۇزىندە ورىندالۋىن قامتاماسىز ەتتى، دەپ حابارلايدى infohub.kz سايتى.
قاداعالاۋ ورگانىنىڭ رەسمي سايتىندا ءمالىم بولعانداي، كونستيتۋسيالىق سوتتىڭ 2026 جىلعى 11 ماۋسىمداعى №86-نپ نورماتيۆتىك قاۋلىسىنىڭ پراكتيكالىق تۇرعىدا ورىندالۋى قامتاماسىز ەتىلدى.
«بۇعان دەيىن بالامەن قارىم-قاتىناس ءتارتىبىن ايقىنداۋ تۋرالى سوت شەشىمدەرىن ورىنداۋ كەزىندە جەكە سوت ورىنداۋشىسىنىڭ قىزمەت اقىسى ەكى تاراپتان دا، ونىڭ ىشىندە سوت شەشىمى ءوز پايداسىنا شىعارىلعان اتا-انادان دا ءوندىرىلىپ الىناتىن. كونستيتۋسيالىق سوت مۇنداي تاسىلگە جول بەرۋگە بولمايتىنىن كورسەتتى، ويتكەنى سوت شەشىمىن ورىنداۋ سوت ارقىلى قورعالۋ قۇقىعىنىڭ ءبىر بولىگى بولىپ تابىلادى جانە ءوندىرىپ الۋشىعا قوسىمشا كەدەرگى جاساماۋعا ءتيىس»، — دەدى ۆەدومستۆودا.
شىمكەنت پروكۋراتۋراسى جۇرگىزگەن تالداۋ قاۋلى كۇشىنە ەنگەننەن كەيىن ءۇش جەكە سوت ورىنداۋشىسىنىڭ ءوندىرىپ الۋشىلاردان اقىنى زاڭسىز ءوندىرۋدى جالعاستىرعانىن انىقتادى.
پروكۋرورلىق قاداعالاۋ اكتىلەرى بويىنشا ازاماتتاردىڭ قۇقىقتارى قالپىنا كەلتىرىلىپ، زاڭسىز ءوندىرىلىپ الىنعان قاراجات تولىعىمەن قايتارىلدى.