شىمكەنتتە 40 جاستاعى كۇرەس شەبەرى ۆاسيلي كولەسنيكوۆتى ولتىرۋگە قاتىستى رەزونانستىق ءىس بويىنشا سوت پروسەسى باستالدى. ونى قاڭتار ايىندا جاپپاي توبەلەستەن كەيىن جول-كولىك وقيعاسى بولعان جەردەن ۇرلاپ كەتكەن ەدى، دەپ حابارلايدى infohub.kz سايتى.
كتك تەلەارناسىنىڭ مالىمەتىنشە، قايعىلى وقيعا 20 قاڭتاردا بولعان. سول كۇنى شىمكەنتتە الدىمەن قاراپايىم جول اپاتى تىركەلدى: ەكى كولىك سوقتىعىسىپ، جۇرگىزۋشىلەر ماسەلەنى انىقتاۋ ءۇشىن كولىكتەن تۇسكەن. الايدا كوپ ۇزاماي اپات ورنىنا ءبىر توپ ەر ادام كەلىپ، جانجال جاپپاي توبەلەسكە ۇلاسىپ، ول بەينەكامەراعا ءتۇسىپ قالعان. ءبىر ساتتە قارسىلاستارى ءۆاسيليدى ءوز كولىكتەرىنە يتەرىپ مىنگىزىپ، بەلگىسىز باعىتقا الىپ كەتكەن. قورعاۋشى تاراپ بۇل اپاتتان كەيىنگى كەزدەيسوق توبەلەس ەمەس، الدىن الا جوسپارلانعان تورۋىل بولعانىن ايتادى.
ۇرلاۋدان كەيىن كولەسنيكوۆتى بىرنەشە ساعات ىزدەگەن. كەيىن ونىڭ دەنەسى شىمكەنت قالاسىنىڭ ماڭىنان تابىلعان. تەرگەۋ دەرەكتەرى بويىنشا، دەنەدە قاتىگەزدىكپەن جاسالعان ازاپتاۋ ىزدەرى بولعان. سوت الدىنا التى ادام كەلدى، ولاردىڭ بەتتەرىن كورسەتۋگە تىيىم سالىندى. تاعى ەكى كۇدىكتى ىزدەۋ جاريالانعان.
مەملەكەتتىك ايىپتاۋشى مۇحتار ارىستانوۆ: «ەرەكشە قاتىگەزدىكپەن كولەسنيكوۆقا بىرنەشە رەت قاتتى زاتپەن، سونداي-اق كەسەتىن قاسيەتى بار وتكىر زاتپەن سوققى جاساعان. كەلتىرىلگەن دەنە جاراقاتتارى ونىڭ ولىمىنە اكەلۋى مۇمكىن ەكەنىن بىلە تۇرا، وسىنداي سالداردىڭ بولۋىن قالاپ، ولار ونى ادەيى ولتىرگەن»، — دەدى.
ەسكە سالايىق، قاڭتار ايىندا شىمكەنتتەگى جول اپاتىنىڭ بەينەجازباسى الەۋمەتتىك جەلىدە تاراپ، ول جاپپاي توبەلەسكە ۇلاسىپ، ادام ولىمىنە اكەلگەن ەدى. ەكى كولىك سوقتىعىسقاننان كەيىن جانجالعا ءۇشىنشى كولىك تە قوسىلعانى ايتىلعان. ناتيجەسىندە ءبىر ەر ادام كوپتەگەن پىشاق جاراقاتىن السا، تاعى بىرەۋىن كۇشپەن قالا سىرتىنا الىپ كەتىپ، كەيىن ونىڭ دەنەسى تابىلعان.
كەيىن دەنساۋلىق ساقتاۋ باسقارماسى قالالىق №1 كلينيكالىق اۋرۋحاناعا 1990 جىلى تۋعان ناۋقاس اۋىر جاعدايدا جەتكىزىلگەنىن حابارلادى. وعان سول جاق كەۋدە قۋىسىنىڭ تەسىلگەن جاراقاتى دياگنوزى قويىلىپ، شۇعىل حيرۋرگيالىق وتا جاسالعان. زارداپ شەككەن ادام رەانيماسياعا جات قىزىلعان.
سونداي-اق شىمكەنت پوليسيا دەپارتامەنتى كىسى ءولتىرۋ جانە بۇزاقىلىق جاسادى دەگەن كۇدىككە ىلىنگەن ءتورت ەر ادامدى انىقتاپ، ۇستاعانىن مالىمدەدى. كەيىن تاعى ءۇش كۇدىكتىنىڭ ۇستالعانى حابارلاندى.