شىمكەنتتە ايەلگە دەنە جاراقاتىن كەلتىردى دەگەن كۇدىكپەن تۇركىستان وبلىسىنىڭ 25 جاستاعى تۇرعىنى ۇستالدى. بۇل تۋرالى infohub.kz سايتى حابارلايدى.
شىمكەنت قالاسى پوليسيا دەپارتامەنتىنىڭ Instagram پاراقشاسىندا ءمالىم بولعانداي، كۇدىكتى ۋاقىتشا وقشاۋلاعىشقا قامالدى. وقيعا 16 قىركۇيەككە قاراعان ءتۇنى شىمكەنت اۋماعىندا بولعانى انىقتالدى. جابىرلەنۋشىنىڭ ارىزى بويىنشا قىلمىستىق ءىس قوزعالدى. تەرگەۋدى شىمكەنت قالاسىنىڭ پوليسيا باسقارماسى جۇرگىزىپ جاتىر.
بۇعان دەيىن Egov.Press Telegram-ارناسى ۇرىپ-سوعۋدىڭ سالدارىن كورسەتەتىن قورقىنىشتى ۆيدەو جاريالاعان. ۆيدەودا بەتى قانعا بويالعان، جىلاپ تۇرعان ايەل بەينەلەنگەن. «شىمكەنتتە كۇيەۋى جاس ايەلىن بالالاردىڭ كوزىنشە قاتتى ۇرعان. ونىڭ ۇستىنە ونىڭ اتىنا ەكى ميلليون تەڭگەگە كرەديت راسىمدەپ، ال ايەلدىڭ وزىنە جازالايمىن دەپ قورقىتقان. بۇل تۋرالى زارداپ شەككەن ايەلدىڭ تۋىسى حابارلادى»، — دەلىنگەن جاريالانىمدا.
ەسكە سالايىق، ايەلىن بالالاردىڭ كوزىنشە ۇرعان كۇدىكتىنىڭ ۇستالعانى تۋرالى قالالىق پوليسيا دەپارتامەنتىنىڭ حابارلاماسىنان بەلگىلى بولدى. قىلمىستىق ءىس قوزعالدى.