قازاقستاندا پوليسەيلەر ستريمەرلەردى جاۋاپكەرشىلىككە تارتۋدى جالعاستىرۋدا. ولاردىڭ ءبىرى زاڭسىز كونتەنت جاريالاعانى ءۇشىن ايىپپۇل تولەدى، دەپ حابارلايدى infohub.kz سايتى.
شىمكەنت قالالىق پوليسيا دەپارتامەنتى Instagram-داعى پاراقشاسىندا TikTok الەۋمەتتىك جەلىسىندەگى تىكەلەي ەفيردىڭ ءۇزىندىسىن جاريالادى، وندا 32 جاستاعى جەرگىلىكتى تۇرعىننىڭ زاڭسىز ارەكەتتەرى انىقتالدى. ونىڭ اككاۋنتى Moldirmonika94 دەپ اتالادى. قۇقىق قورعاۋ ورگاندارىنىڭ مالىمەتىنشە، ستريمەر ۇستالدى.
«ترانسلياسيالار كەزىندە ايەل زاڭسىز كونتەنت ورنالاستىرىپ، كورەرمەندەردەن اقشا اۋدارۋدى سۇراعانى، ال اۋدارىمدار ءۇشىن باسقا ادامعا تيەسىلى ءنومىردى پايدالانعانى انىقتالدى»، — دەپ مالىمدەدى پوليسيا.
تەكسەرۋ ناتيجەسىندە ازاماتشاعا ايىپپۇل تۇرىندەگى اكىمشىلىك جاۋاپكەرشىلىك تاعايىندالدى.
پوليسيا ەسكە سالادى: الەۋمەتتىك جەلىلەردەگى كوپشىلىك الدىنداعى بەلسەندىلىك جاۋاپكەرشىلىكتەن بوساتپايدى. كەز كەلگەن زاڭسىز ارەكەت، ونىڭ ىشىندە تىكەلەي ەفيرلەر كەزىندە جاسالعاندارى دا، ءتيىستى قۇقىقتىق باعا الادى.
ەسكە سالايىق، بۇعان دەيىن جامبىل وبلىسىندا 41 جاستاعى ستريمەر الەۋمەتتىك جەلىدەگى تىكەلەي ەفيرلەردەن كەيىن پسيحيكالىق دەنساۋلىق ورتالىعىنا جات قىزىلعان بولاتىن. ال الماتىلىق بلوگەرلەر تىكەلەي ەفيرلەردە ادەپسىز ماتەريالدار كورسەتكەنى جانە بالاعات سوزدەر قولدانعانى ءۇشىن قاماۋعا الىندى.