قازاقستاندىق تەننيسشىلەر تيموفەي سكاتوۆ (الەمنىڭ 210-راكەتكاسى) مەن الەكساندر شەۆچەنكو (111) جۇلدە قورى 9،4 ميلليون دوللار بولاتىن شانحايداعى «ماستەرس» ءتۋرنيرىنىڭ كۆاليفيكاسياسىندا ويىن باستادى. جۋىردا عانا ازيادا-2026-دا جۇپتىق رازريادتا بىرگە ويناعان سەرىكتەستەر قىتايلىق مىڭدىقتا العاشقى جەكەلەي ماچتارىن ءارتۇرلى ناتيجەمەن وتكىزدى، دەپ حابارلايدى infohub.kz سايتى.
سكاتوۆ ەكى سەتتە گرەك ستەفانوس ساكەللاريديستى (135) سەنىمدى تۇردە ۇتتى – 6:3، 6:2. نەگىزگى سەتكاعا جولداما ءۇشىن قازاقستاندىق اۆستراليالىق بەرنارد توميچكە (185) قارسى وينايدى. ول كۆاليفيكاسيا باسىندا فرانسۋز تەرەنس اتماندى (99) جەڭگەن بولاتىن – 6:3، 4:6، 5:3 (باس تارتۋ).
شەۆچەنكوعا جەرەبە ءساتى تۇسپەدى. رەيتينگتە الەكساندردان ايتارلىقتاي تومەن جapon يوشيتو نيشيوكا (218) الايدا ونىڭ ويىن مانەرى ءبىزدىڭ تەننيسشىگە وتە قولايسىز. وتكەن شانحايلىق تۋرنيردە نيشيوكا كۆاليفيكاسيادان ءوتىپ، ءبىرىنشى اينالىمدا قازاقستاندىقتى جەڭگەن ەدى – 6:1، 6:2. سودان كەيىن رەسەيدەن كەلگەن 13-سەيانىي اندرەي رۋبلەۆتى دە ۇتتى – 2:6، 6:1، 6:4. ونى تەك ءۇشىنشى اينالىمدا يسپان حايمە مۋنار توقتاتقان بولاتىن – 6:4، 5:7، 6:1.
بۇگىن يوشيتو الەكساندر ەكىنشىگە قارسى شانحايلىق جەڭىسىن قايتالادى – 6:2، 6:4. ايتپاقشى، الەكساندر ءبىرىنشى دە شانحايدا وينايدى. ءبىرىنشى اينالىمدا بۇگىن اتپ رەيتينگىندە 22-ورىنعا تۇسكەن الەكساندر بۋبليك ويىننان بوس. ال ەكىنشى اينالىمدا قىتايلىق چجان چجيچجەنمەن (166) نەمەسە چەح توماش ماحاچپەن (75) كەزدەسەدى.
شانحايداعى ءتۋرنيردىڭ جۇپتىق سەتكاسى ازىرگە جاريالانعان جوق.
Rolex Shanghai Masters (دەمەۋشىلىك اتاۋى) – بەدەلدى ەرلەر تەننيس ءتۋرنيرى ATP-1000. سولتۇستىك امەريكا مەن ەۋروپادان تىس جەردەگى جالعىز Masters-1000 سەرياسىنىڭ جارىسى قازىرگى تۇرىندە 2009 جىلى قالىپتاستى.
شانحاي حاردىنداعى جەڭىستەر رەكوردشىسى سەرب نوۆاك دجوكوۆيچ وسىندا ءتورت رەت جەڭىمپاز اتاندى. باس جۇلدەنى ءۇش رەت بريتاندىق ەندي ماررەي، ەكى رەت شۆەيساريالىق رودجەر فەدەرەر يەلەندى. سونىمەن قاتار تۋرنيردەن جەڭىسپەن رەسەيلىكتەر نيكولاي داۆىدەنكو مەن دانييل مەدۆەديەۆ، پولياك حۋبەرت حۋركاچ جانە يتاليان ياننيك سيننەر كەتتى.
قازىرگى چەمپيون، مونەگاسك ۆالانتەن ۆاشەرو وتكەن جىلعى فينالدا فرانسۋز ارتۋر ريندەنكنەحتى جەڭگەن ەدى – 4:6، 6:3، 6:3. ايتا كەتەيىك، شانحاي-2025 ەكىنشى اينالىمىندا ۆاشەرو ءبىزدىڭ بۋبليكتى ۇتقان بولاتىن – 3:6، 6:3، 6:4.