قىرعىزستان سىرتقى ىستەر مينيسترلىگى سولتۇستىك كيپردە پىشاق جاراقاتىن العان قازاقستان تۋماسىنىڭ دەنساۋلىق جاعدايى تۋرالى جاڭا دەرەكتەردى ۇسىندى، دەپ حابارلايدى infohub.kz سايتى.
ۆەدومستۆونىڭ مالىمەتىنشە، سولتۇستىك كيپردە جارالانعان قىرعىزستاندىق قىزدىڭ جاعدايى اۋىر كۇيىندە قالىپ وتىر. قىز مەزگىل-مەزگىل ەسىن جيىپ، دارىگەرلەردىڭ تۇراقتى باقىلاۋىندا جاتىر. وعان جاقىن تۋىسى كەلىپ، ەمدەۋ كەزىندە قاسىندا ءجۇرىپ قولداۋ كورسەتۋدە.
سونداي-اق، شابۋىل جاساعان ادامنىڭ ەسىن جيعانى حابارلاندى. تەرگەۋ امالدارى جالعاسۋدا، قازىرگى ۋاقىتتا وعان قاتىستى بۇلتارتپاۋ شاراسىن تاڭداۋ ماسەلەسى شەشىلۋدە.
ەسكە سالايىق، 4 تامىزدا سولتۇستىك كيپردە بەلگىسىز بىرەۋ ازىرگە انىقتالماعان سەبەپتەرمەن قىزعا پىشاقپەن شابۋىل جاساعان بولاتىن. وقيعا سالدارىنان ەكەۋى دە اۋرۋحاناعا جەتكىزىلىپ، دارىگەرلەردىڭ باقىلاۋىندا جاتىر. باستاپقىدا زارداپ شەككەن قازاقستان ازاماتى دەپ حابارلانعان ەدى، الايدا كەيىن ق ر ءسىم ونىڭ قازاقستان تۋماسى بولا تۇرا، قىرعىز رەسپۋبليكاسىنىڭ ازاماتتىعىن الاتىنىن ناقتىلادى.