ستەپنوگورسكىدە ينتەرنەتتە جاسوسپىرىمدەردىڭ كىشى جاستاعى بالالاردى قورلاعانى تۋرالى اقپارات تاراعاننان كەيىن تەكسەرۋ باستالدى. بۇل وقيعا قوعامدا كەڭ رەزونانس تۋدىردى، دەپ حابارلايدى infohub.kz سايتى.
Halyqstan Telegram-ارناسىندا زارداپ شەككەن بالالاردىڭ اتا-انالارى ەكى 16 جاسار ءجاسوسپىرىم ولاردى بۇتالارعا اپارىپ، قورقىتىپ، سۇيىسۋگە ماجبۇرلەگەنىن ايتقان جازبا جاريالاندى. بولعان وقيعانى كامەراعا ءتۇسىرىپ، تىكەلەي ەفيردە كورسەتكەن بولۋى مۇمكىن. تۋىستارىنىڭ ايتۋىنشا، وقيعادان كەيىن بالا ىشتەي تۇيىقتالىپ قالعان. اتا-انالار پوليسياعا ارىزدانىپ، جاعدايدى انىقتاۋدى تالاپ ەتكەن.
جازبادا بارلىق ءمان-جايدى انىقتاۋدىڭ ماڭىزدىلىعى اتاپ كورسەتىلگەن: اۋلادا ناقتى نە بولعانى، بەينەجازبا تاراتىلعان با نەمەسە الەۋمەتتىك جەلىلەردە كورسەتىلگەن بە، وقيعاعا كىمدەر قاتىسقانى جانە قورقىتۋ ناقتى بولعان با.
NUR.KZ ءتىلشىسى اقمولا وبلىسى پوليسيا دەپارتامەنتىنىڭ ءباسپاسوز قىزمەتىنە سۇراۋ سالعان. ۆەدومستۆو ستەپنوگورسك قالالىق پوليسيا باسقارماسىندا بۇل فاكتىنىڭ تىركەلگەنىن راستادى. كامەلەتكە تولماعانداردىڭ جەكە باسى انىقتالدى. قازىرگى ۋاقىتتا تەكسەرۋ جۇرگىزىلىپ، وقيعانىڭ بارلىق ءمان-جايى مەن قاتىسۋشىلارى انىقتالۋدا. ءاربىر قاتىسۋشىنىڭ ارەكەتىنە قازاقستان رەسپۋبليكاسىنىڭ زاڭناماسىنا سايكەس قۇقىقتىق باعا بەرىلەدى. نەگىزدەر بولعان جاعدايدا زاڭدا كوزدەلگەن شارالار قولدانىلادى.