ءبىرىنشى كۋرس ستۋدەنتى كامەلەتكە تولعاننان كەيىن ۋنيۆەرسيتەتتە وقۋ كەزەڭىندە اكەسىنەن اليمەنت ءوندىرىپ الۋدى سوت ارقىلى قول جەتكىزدى، دەپ حابارلايدى infohub.kz سايتى.
جامبىل وبلىسى سوتتارىنىڭ رەسمي Telegram-ارناسىندا حابارلانعانداي، شۋ اۋداندىق سوتى ستۋدەنتتىڭ اكەسىنە قاتىستى ازاماتتىق ءىستى قارادى. قىز اباي مىرزاحمەتوۆ اتىنداعى كوكشەتاۋ ۋنيۆەرسيتەتىندە كۇندىزگى بولىمدە اقىلى نەگىزدە وقيدى جانە كامەلەتكە تولعان سوڭ اليمەنت الۋدى توقتاتقان. كۇندىزگى بولىمدە وقۋىنا بايلانىستى ونىڭ تۇراقتى تابىسى جوق، جۇمىسقا ورنالاسۋ مۇمكىندىگى جوق، وقۋ اقىسىن تولەۋگە، تۇرۋعا جانە باسقا دا قاجەتتى شىعىندارعا جۇمسايدى.
جاۋاپكەر تالاپتى ءىشىنارا مويىنداپ، قىزىنا ماتەريالدىق كومەك كورسەتۋدەن باس تارتپايتىنىن، الايدا ءوزىنىڭ ماتەريالدىق جانە وتباسىلىق جاعدايىن ەسكەرۋدى سۇراعانىن ءتۇسىندىردى. سوت انىقتاعانداي، جاۋاپكەر ەكىنشى نەكەدە تۇرادى، 5 كامەلەتكە تولماعان بالاسى بار، تۇراقتى جۇمىس ورنى جانە نەسيەلىك مىندەتتەمەلەرى بار.
سوت اتا-انالاردىڭ بالالاردى اسىراۋ بويىنشا تەڭ مىندەتتەرى بار ەكەنىن ەسكەردى. سونداي-اق، تالاپكەردىڭ اقىلى نەگىزدە وقيتىنى جانە وقۋ كەزەڭىندە ءوزىن-وزى قامتاماسىز ەتە المايتىنى ەسكەرىلدى.
سوت شەشىمىمەن جاۋاپكەردەن قىزىنىڭ پايداسىنا وقۋ كەزەڭىنە – 2028 جىلدىڭ شىلدەسىنە دەيىن اي سايىن 17 اەك مولشەرىندە اليمەنت، سونداي-اق مەملەكەت كىرىسىنە مەملەكەتتىك باج ءوندىرىلدى. شەشىم زاڭدى كۇشىنە ەندى.