الماتى سوتىنىڭ اپەللياسيالىق القاسى «ەير استانا» اق قاراجاتىن ۇرلاۋ جانە زاڭداستىرۋ ءىسى بويىنشا ۇكىمدى وزگەرىسسىز قالدىردى. قورعاۋ تاراپىنىڭ شاعىمدارى قاناعاتتاندىرىلمادى، دەپ حابارلايدى infohub.kz.
سوت مالىمەتىنشە، قىلمىستىق سحەمانى ۇيىمداستىرۋشى توعىز جىلعا باس بوستاندىعىنان ايىرىلدى. تاعى ەكى ادام 8 جىل 6 ايعا سوتتالدى.
«بارلىق سوتتالعاندارعا م ۇلىكتى تاركىلەۋ جانە 5 جىل مەرزىمگە كوممەرسيالىق ۇيىمداردا لاۋازىمدى اتقارۋعا تىيىم سالۋ جازاسى تاعايىندالدى»، — دەپ مالىمدەدى پروكۋراتۋرا.
سوت اۆياكومپانيانىڭ 1 ملرد تەڭگەدەن استام سوماداعى تالابىن قاناعاتتاندىردى. وسى شىعىندى وتەۋ ءۇشىن سوتتالعانداردىڭ مۇلكى تاركىلەنەدى.
بۇعان دەيىن ەير استانا 2026 جىلدىڭ العاشقى ايلارىندا لوندون قور بيرجاسىنداعى ءوز باعالى قاعازدارىنىڭ ساۋدا ۇلەسى وتكەن جىلدىڭ سايكەس كەزەڭىمەن سالىستىرعاندا وسكەنىن مالىمدەگەن بولاتىن. قازاقستاندىق مينوريتارلىق اكسيونەرلەر قاۋىمداستىعى (QAMS) اۆياتاسىمالداۋشى باسشىلىعىنا ساۋدا كولەمىنىڭ تومەندىگىنە بايلانىستى شەتەلدىك ليستينگ الاڭىن اۋىستىرۋدى قاراستىرۋدى ۇسىنعان ەدى.