جەڭىلىسى جوق قازاقستاندىق بوكسشى سۇلتان زاۋربەك كاسىبي رينگتەگى كەلەسى جەكپە-جەگىنىڭ كۇنى بەلگىلى بولعانىن حابارلايدى infohub.kz سايتى.
ەكىنشى جارتىلاي جەڭىل سالماقتا ونەر كورسەتەتىن قازاقستاندىق 26 قىركۇيەكتە اۆستراليالىق دجەكسون ينگلەندپەن كەزدەسەدى. جەكپە-جەك اۆستراليانىڭ كۆينسلەند قالاسىندا وتەدى.
بۇل جەكپە-جەكتە IBF نۇسقاسى بويىنشا الەم چەمپيونى اتاعىنا مىندەتتى ۇمىتكەر مارتەبەسى ساراپقا سالىنادى. جەڭىمپاز ءقازىر مەكسيكالىق ەمانۋەل ناۆاررەتە يەلەنىپ وتىرعان بەلبەۋ ءۇشىن كۇرەسۋگە قۇقىق الادى.
زاۋربەك بۇل جەكپە-جەككە ءمىنسىز رەكوردپەن كەلىپ وتىر: 20 جەكپە-جەكتە 20 جەڭىس، ونىڭ 13ء-ى مەرزىمىنەن بۇرىن اياقتالعان. ينگلەندتىڭ 19 جەڭىسى (10 نوكاۋت) جانە ءۇش جەڭىلىسى بار.
باستاپقىدا كەزدەسۋ 27 ماۋسىمعا جوسپارلانعان ەدى، كەيىن 17 شىلدەگە اۋىستىرىلدى، ءبىراق قايتا كەيىنگە شەگەرىلدى.
زاۋربەك سوڭعى جەكپە-جەگىن 2025 جىلدىڭ ساۋىرىندە استانادا وتكىزىپ، وڭتۇستىكافريكالىق ازينگا فۋزيلەنى ءبىراۋىزدان شەشىممەن جەڭگەن بولاتىن.