قازاقستاندىقتار Aitu مەسسەندجەرى ارقىلى اتا-بابالارى مەن وتباسى تاريحى تۋرالى اقپاراتتى ساقتاي الادى. بۇل تۋرالى ۇكىمەت وتىرىسىندا مالىمدەلدى، دەپ حابارلايدى NUR.KZ... سايتىنا سىلتەمە جاساعان infohub.kz.
«ءبىز ۇلتتىق داستۇرلەرىمىزدى، ءتىلىمىزدى جانە ءومىر سالتىمىزدى ەسكەرەتىن ۇلتتىق مەسسەندجەرلەر جاساپ جاتىرمىز. سوندىقتان قوسىمشادا ءار وتباسىنا قاجەتتى فۋنكسيالار قاراستىرىلادى. بۇگىندە قازاقستاندا 800 مىڭنان استام وتباسى بار، ولاردىڭ كوپشىلىگى قارىم-قاتىناس جاساۋ جانە كۇندەلىكتى ماسەلەلەردى شەشۋ ءۇشىن ءارتۇرلى سەرۆيستەردى پايدالانۋعا ءماجبۇر»، – دەدى BTS Digital وكىلى ماكسات نۇريدەن ۇلى.
سپيكەردىڭ ايتۋىنشا، Aitu-دا فوتوسۋرەتتەردى، ماڭىزدى وقيعالاردى ساقتاۋعا جانە 400 ادامعا دەيىن قاتىساتىن ءارتۇرلى ءىس-شارالار ۇيىمداستىرۋعا بولادى. سونداي-اق قازاقستاندىقتار ءۇشىن ءسۇيىنشى، كورىمدىك، اسار جانە ساداقا سياقتى ۇلتتىق داستۇرلەرگە بايلانىستى اقشا اۋدارىمدارىن اۆتوماتتاندىرۋ جوسپارلانۋدا.
«شەجىرە» جەكە باعىت رەتىندە داميتىن بولادى. پايدالانۋشىلار اتا-بابالارى مەن وتباسى تاريحى تۋرالى اقپاراتتى ىڭعايلى فورماتتا ساقتاي الادى، – دەپ اتاپ ءوتتى سپيكەر.
ول قازاق ءتىلىن دامىتۋ ءۇشىن قازاق جانە ورىس تىلدەرى اراسىندا اۆتوماتتى اۋدارما فۋنكسياسى قولجەتىمدى بولاتىنىن قوستى.