جامبىل وبلىسىندا TikTok-تا «التىن قىز» دەگەن اتپەن تانىمال 41 جاستاعى ايەل الەۋمەتتىك جەلىدەگى تىكەلەي ەفيرلەردەن كەيىن پسيحيكالىق دەنساۋلىق ورتالىعىنا جەتكىزىلدى، دەپ حابارلايدى infohub.kz سايتى.
جامبىل وبلىسى پوليسيا دەپارتامەنتى Instagram-داعى پاراقشاسىندا بايزاق اۋدانىنىڭ تۇرعىنى تىكەلەي ەفيرلەردە بالاعات سوزدەر قولدانعانى ءۇشىن بىرنەشە رەت اكىمشىلىك جاۋاپكەرشىلىككە تارتىلعانىن حابارلادى.
«بىرنەشە رەت ەسكەرتۋلەرگە، پروفيلاكتيكالىق جۇمىستارعا قاراماستان، ايەل وسىنداي ارەكەتتەرىن جالعاستىردى، سونىڭ ىشىندە كامەلەتكە تولماعان بالالارىنا قاتىستى بالاعات سوزدەر ايتتى»، — دەپ اتاپ ءوتتى پوليسيادا.
پوليسيا قىزمەتكەرلەرى، قورعانشىلىق ورگاندارى جانە باسقا دا مۇددەلى قىزمەتتەر وسى وتباسىنداعى بالالاردىڭ تۇرۋ جانە تاربيەلەۋ جاعدايلارىنا تەكسەرۋ جۇرگىزدى. «جەدەل جاردەم بريگاداسىنىڭ قاراۋىنان كەيىن كاسىموۆا لايلو ەمدەلۋ ءۇشىن جامبىل وبلىستىق پسيحيكالىق دەنساۋلىق ورتالىعىنا جات قىزىلدى»، — دەپ قوستى وبلىستىق پد.
پوليسيا مالىمەتىنشە، ءقازىر بالالار اكەسىنىڭ قاراۋىندا.