قاسىم-جومارت توقايەۆ دۇنيەجۇزىلىك كوشپەندىلەر ويىندارىنىڭ بارىسىن مۇقيات قاداعالاپ وتىر، ونىڭ اشىلۋ سالتاناتىنا ول ءبىرقاتار ەلدەردىڭ كوشباسشىلارىمەن بىرگە قاتىستى، دەپ حابارلايدى infohub.kz سايتى.
ق ر پرەزيدەنتىنىڭ ءباسپاسوز حاتشىسى ايبەك سمادياروۆتىڭ مالىمەتىنشە، مەملەكەت باسشىسى تۋريزم جانە سپورت ءمينيسترى ەربول مىرزابوسىنوۆ ارقىلى قازاقستاننان كەلگەن ويىن قاتىسۋشىلارىنا سالەم جولداپ، دوستىق پەن ادىلدىك جاعدايىندا ءوتىپ جاتقان جارىستاردا ودان ءارى جەڭىستەر تىلەدى.
پرەزيدەنت جاتتىقتىرۋشىلار مەن چەمپيوندارعا العىس ءبىلدىرىپ، ۇلتتىق قۇرامانىڭ ورتاق جەتىستىگىنە ءوز ەڭبەگىمەن ۇلەس قوسقانداردىڭ بارلىعىن ماراپاتتايتىنىن ايتتى.
بۇعان دەيىن قازاقستان قۇراماسى قىرعىزستاندا ءوتىپ جاتقان VI دۇنيەجۇزىلىك كوشپەندىلەر ويىندارىندا جۇلدەلەرىن جالعاستىرعانى حابارلانعان بولاتىن.
VI دۇنيەجۇزىلىك كوشپەندىلەر ويىندارى قىرعىزستاندا 31 تامىز بەن 6 قىركۇيەك ارالىعىندا وتۋدە. قازاقستان اتىنان 42 سپورت تۇرىنە 152 سپورتشى قاتىسۋدا.
ارالىق قورىتىندى بويىنشا قازاقستان قۇراماسى جالپىكوماندالىق مەدال ەسەبىندە ءبىرىنشى ورىندا تۇر. 4 قىركۇيەكتەگى جاعداي بويىنشا قازاقستاندىق سپورتشىلار 55 جۇلدەگە قول جەتكىزدى: 25 التىن، 13 كۇمىس جانە 17 قولا مەدال.
ەكىنشى ورىندا قىرعىزستان قۇراماسى، ونىڭ ەنشىسىندە 58 مەدال — 23 التىن، 24 كۇمىس جانە 11 قولا. ءۇشىنشى ورىندا رەسەي كومانداسى، ولار 4 التىن، 6 كۇمىس جانە 13 قولا جۇلدەگە يە بولدى.
قازىرگى ۋاقىتتا قازاقستان وكىلدەرى ويىندار باعدارلاماسىنا ەنگەن 42 سپورت ءتۇرىنىڭ 31-ىندە ونەر كورسەتتى. مەدالدار اۋدارىسپاق، قازاق كۇرەسى، الىش، ارمرەستلينگ، سامبو، ارقان تارتۋ، ءداستۇرلى ساداق اتۋ، ات جارىسى، قۇس سالۋ جانە باسقا دا پاندەردەن جەڭىپ الىندى.
جارىستار جالعاسۋدا، سوندىقتان كوماندالاردىڭ مەدال ەسەبىندەگى ورنى ءالى وزگەرۋى مۇمكىن. قازاقستاندىق سپورتشىلار تاعى 11 سپورت تۇرىندە سىنعا تۇسەدى.
VI دۇنيەجۇزىلىك كوشپەندىلەر ويىندارىنا الەمنىڭ 113 ەلىنەن 3 مىڭعا جۋىق سپورتشى قاتىسۋدا.