قازاقستان پرەزيدەنتى قاسىم-جومارت توقايەۆ قازاقستاننىڭ حالىق جازۋشىسى ۆالەري ميحايلوۆتى 80 جاسقا تولۋىمەن قۇتتىقتاپ، وعان ارنايى جەدەلحات جولدادى، دەپ حابارلايدى infohub.kz سايتى.
مەملەكەت باسشىسى مەرەيتوي يەسىنىڭ تابيعي دارىنى مەن سيرەك كەزدەسەتىن ەڭبەكقورلىعى ونىڭ ۇلكەن ءارى تابىستى شىعارماشىلىق جولىنىڭ نەگىزى بولعانىن اتاپ ءوتتى. ۆالەري ميحايلوۆ كوپ جىلدار بويى ەلىمىزدىڭ بەدەلدى باسىلىمدارىندا جەمىستى ەڭبەك ەتىپ، «قازاقستانسكايا پراۆدا» گازەتى مەن «پروستور» جۋرنالىن باسقاردى. پرەزيدەنتتىڭ ايتۋىنشا، ول جوعارى ادامگەرشىلىك قاسيەتتەرى مەن بەرىك ومىرلىك ۇستانىمدارىنىڭ ارقاسىندا ارىپتەستەرى مەن بۇكىل قوعامنىڭ شىنايى قۇرمەتىنە بولەندى.
قاسىم-جومارت توقايەۆ ۆالەري ميحايلوۆتىڭ شىعارمالارى بىرنەشە ۇرپاق وقىرماندارىنىڭ لايىقتى قىزىعۋشىلىعىنا يە بولىپ، ەلىمىزدىڭ ادەبي مۇراسىنىڭ اجىراماس بولىگىنە اينالعانىن دا اتاپ ءوتتى.
سونىمەن قاتار، پرەزيدەنت جازۋشىنى وتاندىق ادەبيەتتىڭ دامۋىنا قوسقان ەرەكشە ۇلەسى ءۇشىن «بارىس» وردەنىنىڭ I دارەجەسىمەن ماراپاتتاۋ تۋرالى جارلىققا قول قويدى.
ۆالەري ميحايلوۆ — اقىن، جازۋشى، پۋبليسيست، « ۇلى جۇت شەجىرەسى» دەرەكتى پوۆەسىنىڭ اۆتورى.