قازاقستان پرەزيدەنتى قاسىم-جومارت توقايەۆ مارات سۇلتانعازيەۆتى الماتى وبلىسىنىڭ اكىمى قىزمەتىنەن بوساتۋ تۋرالى جارلىققا قول قويدى، دەپ حابارلايدى infohub.kz سايتى.
مەملەكەت باسشىسىنىڭ ءباسپاسوز قىزمەتى ءتيىستى قۇجاتقا قول قويىلعانىن راستادى. جارلىقتا: «مەملەكەت باسشىسىنىڭ جارلىعىمەن سۇلتانعازييەۆ مارات ەلەۋسىز ۇلى الماتى وبلىسىنىڭ اكىمى قىزمەتىنەن بوساتىلدى»، — دەلىنگەن.
ەسكە سالا كەتەيىك، كەشە ايماقتا جاڭا اكىمدى تاعايىنداۋ ءۇشىن دەپۋتاتتاردىڭ جينالىسى وتەتىنى تۋرالى اقپارات تاراعان ەدى. مارات سۇلتانعازييەۆ وبلىستى 2022 جىلدىڭ ماۋسىمىندا باسقارعان بولاتىن، ال سول جىلدىڭ جەلتوقسانىندا ول بۇل قىزمەتكە قايتا تاعايىندالدى.
سۇلتانعازييەۆ 1976 جىلى الماتى وبلىسىندا دۇنيەگە كەلگەن. ول اباي اتىنداعى الماتى مەملەكەتتىك ۋنيۆەرسيتەتىن، قازاق مەملەكەتتىك زاڭ اكادەمياسىن جانە رىسقۇلوۆ اتىنداعى قازاق ەكونوميكالىق ۋنيۆەرسيتەتىن بىتىرگەن. ول — ەكونوميست-قارجىگەر، زاڭگەر جانە ىسكەرلىك اكىمشىلەندىرۋ ماگيسترى.
ەڭبەك جولىن 1997 جىلى سالىق باسقارماسىنىڭ زاڭدى تۇلعالاردى تەكسەرۋ ءبولىمىنىڭ ءبىرىنشى ساناتتى مامانى بولىپ باستاعان. 1998–2001 جىلدارى الماتى قالاسى بويىنشا سالىق كوميتەتىندە سالىق ينسپەكتورى، اعا سالىق ينسپەكتورى، جەتەكشى سالىق ينسپەكتورى، باس ماماننىڭ مىندەتىن اتقارۋشى جانە باس سالىق ينسپەكتورى قىزمەتتەرىن اتقارعان.
2001–2010 جىلدارى الماتى قالاسى بويىنشا سالىق كوميتەتىندە جۇمىسىن جالعاستىرىپ، الماتى قالاسى بويىنشا سالىق دەپارتامەنتى باستىعىنىڭ ورىنباسارى لاۋازىمىنا دەيىن كوتەرىلگەن. 2010–2012 جىلدارى قازاقستان رەسپۋبليكاسى قارجى مينيسترلىگىندە باسشىلىق قىزمەتتەر اتقارعان.
2012–2014 جىلدارى ق ر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ سەكتور مەڭگەرۋشىسى بولعان، ال 2014–2017 جىلدارى الماتى قالاسى بويىنشا مەملەكەتتىك كىرىستەر دەپارتامەنتىن باسقارعان. 2017 جىلدىڭ ماۋسىمىنان 2018 جىلدىڭ قازانىنا دەيىن ق ر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى قىزمەتىن اتقارعان.
2018–2022 جىلدارى ق ر قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى بولىپ جۇمىس ىستەگەن، ال 2022 جىلدىڭ ماۋسىمىندا الماتى وبلىسىنىڭ اكىمى بولىپ تاعايىندالعان.