شىعىس قىتايداعى سينداو قالاسىندا جۇك كەمەسىندە ءورت شىعىپ، اۋىر زارداپتارعا اكەلدى. اپات سالدارىنان قازا تاپقاندار مەن جارالانعاندار بار دەپ حابارلايدى مەملەكەتتىك بۇقارالىق اقپارات قۇرالدارىنا سىلتەمە جاساعان infohub.kz سايتى.
جۇڭگو حالىق رەسپۋبليكاسىنىڭ ءتوراعاسى سي سزينپين قۇتقارۋ جۇمىستارىن جەدەل جۇرگىزۋدى جانە وقيعانىڭ سەبەپتەرىن جىلدام تەكسەرۋدى تاپسىردى.
شەتەل تۋى بار كەمە سينداو قالاسىنداعى كەمە جوندەۋ زاۋىتىندا تەحنيكالىق قىزمەتتەن ءوتىپ جاتقان. ءورت جەرگىلىكتى ۋاقىتپەن ساعات 11:15-تە (گرينۆيچ ۋاقىتىمەن 03:15) تۇتانعان. بۇل تۋرالى مەملەكەتتىك «سينحۋا» اقپارات اگەنتتىگى حابارلادى.
اپاتتىڭ ءمان-جايى مەن زارداپ شەككەندەر تۋرالى ناقتى مالىمەت ازىرگە جاريالانعان جوق. وقيعاعا قاتىستى قوسىمشا اقپارات جاقىن ارادا پايدا بولادى دەپ كۇتىلۋدە.