ۋەفا چەمپيوندار ليگاسىنىڭ 2026/27 ماۋسىمىنداعى ىرىكتەۋ كەزەڭدەرى اياقتالدى. جالپى كەزەڭگە 36 كوماندا قاتىسادى، دەپ حابارلايدى infohub.kz.
قازاقستاننىڭ باستى ەۋروكۋبوگىندا جالعىز وكىلى «قايرات» بولدى. الماتىلىقتار ىرىكتەۋدىڭ ەكى كەزەڭىنەن ءوتتى، ءبىراق ۇشىنشىسىندە جولدارىن جالعاستىرا المادى. بارلىعى ىرىكتەۋ ءتورت كەزەڭنەن تۇردى.
ەندى 36 كوماندا جالپى كەزەڭدە ءتورت ءۇي جانە ءتورت قوناقتىق ويىن وتكىزەدى. جەرەبە 27 تامىزدا وتەدى. قاتىسۋشىلار ءتورت سەبەتكە بولىنەدى:
«پسج» (فرانسيا)، «باۆاريا» (گەرمانيا)، «رەال مادريد»، «بارسەلونا»، «اتلەتيكو مادريد» (بارلىعى – يسپانيا)، «ينتەر» (يتاليا)، «ليۆەرپۋل»، «مانچەستەر سيتي»، «ارسەنال» (بارلىعى – انگليا).
«بورۋسسيا دورتمۋند» (گەرمانيا)، «روما» (يتاليا)، «پورتۋ»، «سپورتينگ» (ەكەۋى دە – پورتۋگاليا)، «بريۋگگە» (بەلگيا)، «استون ۆيللا»، «مانچەستەر يۋنايتەد» (ەكەۋى دە – انگليا)، «بەتيس» (يسپانيا)، پسۆ (نيدەرلاندى).
«فەيەنوورد» (نيدەرلاندى)، «بۋدە-گليمت» (نورۆەگيا)، «ليلل» (فرانسيا)، «گالاتاساراي»، «فەنەرباحچە» (ەكەۋى دە – تۇركيا)، «ۆيلياررەال» (يسپانيا)، «ناپولي» (يتاليا)، «رب لەيپسيگ» (گەرمانيا)، «شاحتەر» (ۋكراينا).
«سلاۆيا» (چەحيا)، «سلوۆان» (سلوۆاكيا)، «شتۋتگارت» (گەرمانيا)، «ساباح» (ءازىربايجان)، «ۆيكينگ» (نورۆەگيا)، اەك (گرەكيا)، لاسك (اۋستريا)، «كومو» (يتاليا)، «لانس» (فرانسيا).
ءار كوماندا بارلىق سەبەتتەردەن ەكى قارسىلاس الادى. جەرەبە تارتىلعاننان كەيىن كۇنتىزبە قالىپتاستىرىلادى.
«ساباح» ساپىندا قاقپاشى ستاس پوكاتيلوۆ وينايدى – ول وسى ماۋسىمدا چەمپيوندار ليگاسىنىڭ جالپى كەزەڭىنە جولداما العان جالعىز قازاقستاندىق فۋتبولشى.