نيۋ-يوركتەگى US Open تۋرنيرىندە العاشقى كۇندەرى جاڭبىرلى اۋا رايى ويىنشىلار مەن ۇيىمداستىرۋشىلارعا قولايسىزدىق تۋعىزۋدا. دۇيسەنبى كەشكە باستالعان جاڭبىر سەيسەنبىگە دەيىن جالعاسىپ، سىرتقى كورتتارداعى بارلىق ماچتاردىڭ كەيىنگە شەگەرىلۋىنە سەبەپ بولدى. تەك جابىلاتىن شاتىرى بار ارتۋر ەش جانە لۋي ارمسترونگ ستاديوندارىندا عانا ماچتار ءوتتى، دەپ حابارلايدى infohub.kz.
ارتۋر ەش ستاديونىندا 22ء-شى ءنومىرلى مەديسون كيز الينا كورنەەۆامەن ماچىن باستادى. ال لۋي ارمسترونگ ستاديونىندا ەرلەر اراسىنداعى 5ء-شى ءنومىرلى فلاۆيو كوبوللي فرانسيسكو كومەساناعا ءبىرىنشى سەتتە تەز ۇتىلدى. سونىمەن قاتار، 2ء-شى ءنومىرلى ەلەنا رىباكينا، 12ء-شى بەليندا بەنچيچ جانە 32ء-شى ماريا ساككاري ءوز ماچتارىن باستاۋدى كۇتىپ تۇردى.
ەلەنا رىباكينانىڭ US Open-تە الەمنىڭ ءبىرىنشى راكەتكاسى اتانۋعا بىرنەشە جولى بار. ونىڭ قارسىلاسى — كاليفورنيادان كەلگەن 17 جاستاعى امەريكالىق تەا فرودين. ول 2021 جىلعى «كورول ريچارد» فيلمىندە سەرەنا ۋيليامستى ويناعان اكتريسا دەمي سينگلتوننىڭ دۋبلەرى بولعان.
2023 جىلعى US Open چەمپيونى كوكو گاۋفف، 17ء-شى ءنومىرلى الەكس ەالا جانە ەرلەر اراسىنداعى 1ء-شى ءنومىرلى الەكساندر زۆەريەۆ ءبىرىنشى اينالىمنىڭ سوڭعى كۇنىندە كەشكى سەسسيادا ويناۋ جوسپارلانعان.