جاپونيا قابىلداپ وتىرعان 2026 جىلعى جازعى ازيا ويىندارىندا قازاقستان بوكس قۇراماسى تاعى ءبىر شىعىنعا ۇشىرادى: ۆيكتوريا گرافەەۆا 60 كەلىگە دەيىنگى سالماق دارەجەسىندەگى ونەرىن اياقتادى، دەپ حابارلايدى infohub.kz سايتى.
1/8 فينالدا قازاقستاندىق سپورتشى جۇڭگو تايبەيىنەن كەلگەن لين يۋيتينمەن جۇدىرىقتاستى. قارسىلاسى — پاريج-2024 وليمپياداسىنىڭ چەمپيونى ءارى حانچجوۋداعى ازيادا-2022 جەڭىمپازى. ەكەۋى ءۇشىن دە بۇل قازىرگى جارىستاعى العاشقى جەكپە-جەك بولدى.
تارتىس ءۇش راۋندقا سوزىلدى. العاشقى ەكى راۋندتا تورەشىلەردىڭ كوبى يۋيتينگە باسىمدىق بەردى، الايدا ەكىنشى راۋندتا ودان ءبىر ۇپاي ايىپپۇل تۇرىندە الىندى. ءۇشىنشى راۋندتا باسىمدىق گرافەەۆا جاعىندا بولدى.
جالپى ەسەپتە قازاقستاندىق ەكى تورەشىنىڭ كارتوچكاسىندا باسىم ءتۇستى. تاعى ءۇش تورەشىدە الىنعان ۇپايدى ەسكەرگەندە تەڭدىك بولعانىمەن، ولاردىڭ ءارقايسىسى يۋيتين جاعىندا بولدى. وسىلايشا، جۇڭگو تايبەيىنىڭ وكىلى تورەشىلەردىڭ بولەك شەشىمىمەن 3:2 ەسەبىمەن جەڭىسكە جەتىپ، شيرەك فينالعا شىقتى.
ال گرافەەۆا ازيادا-2026-داعى ونەرىن اياقتادى. بۇل — نازىم قىزايبايدان (54 كەلىگە دەيىن) كەيىنگى ايەلدەر بوكس قۇراماسىنداعى ەكىنشى شىعىن. ەرلەر كومانداسىندا جارىستان سابىرجان اققالىقوۆ (80 كەلىگە دەيىن) پەن ورازبەك اسىلقۇلوۆ (60 كەلىگە دەيىن) دا شىعىپ قالعان.