قازاقستان ايەلدەر ۆولەيبول قۇراماسى جاپونياداعى ازيا ويىندارىنداعى ونەرىن ءتورتىنشى جەڭىلىسپەن ءتامامدادى. جۇڭگو، وڭتۇستىك كورەيا جانە جۇڭگو تايبەيى كوماندالارىنان كەيىن قازاقستاندىقتار جەتىنشى ورىن ءۇشىن ماچتا ءبىر ساعاتتان ءسال استام ۋاقىت ىشىندە ۆەتنامعا ەسە جىبەردى — 0:3 (21:25، 19:25، 15:25)، دەپ حابارلايدى infohub.kz سايتى.
ماۋسىمدا فيليپپيندە وتكەن ازيا ۇلتتارى كۋبوگىندا اسقار شالقيبەكوۆ شاكىرتتەرى ۆەتنامدىقتاردى توپتىق كەزەڭدە 3:2 ەسەبىمەن ۇتقان ەدى، الايدا قولا جۇلدە ءۇشىن تالاستا ولارعا 0:3 ەسەبىمەن جول بەردى.
بۇل جولى دا قازاقستاندىقتار ۆەتنامدى تىزە بۇكتىرە المادى. ءبىزدىڭ ۆولەيبولشىلاردىڭ ويىنىنداعى جارقىن تۇستار كوپتەگەن قاتەلىكتەرمەن الماسىپ جاتتى. شەشۋشى ساتتەردە قازاقستان قۇراماسى قارسىلاستارىنا ۇنەمى جول بەرىپ وتىردى، بۇل قورىتىندى ناتيجەدەن دە كورىنىس تاپتى.
باستاپقى ويىندا فيليپپيندى جەڭۋ قازاقستاندىق كوماندا ءۇشىن تۋرنيردەگى جالعىز جەڭىس بولىپ قالدى. ۆەتنامعا ەسە جىبەرىپ، قازاقستان قۇراماسى قاتارىنان ەكىنشى ازيادانى سەگىزىنشى ورىنمەن اياقتادى. ءبىزدىڭ ۆولەيبولشىلاردىڭ قۇرلىقتىق ويىندارداعى ەڭ ۇزدىك ناتيجەسى ءالى كۇنگە گۋانچجوۋداعى ازيادا-2010-نىڭ قولاسى بولىپ تۇر.
ازيا ويىندارى-2026. ۆولەيبول. ايەلدەر. 22 قىركۇيەك. 7-ورىن ءۇشىن ماچ. قازاقستان – ۆەتنام 0:3.
ازيادا-2026-نىڭ التىن مەدالىن بۇگىن جاپونيا مەن جۇڭگو ساراپقا سالادى. قولا جۇلدە ءۇشىن وڭتۇستىك كورەيا مەن تايلاند تالاسادى.
ويىنداردىڭ رەسمي اشىلۋى 19 قىركۇيەكتە ءوتتى. 45 ەلدىڭ سپورتشىلارى قاتىساتىن كەشەندى جارىستاردا 460 مەدال جيىنتىعى ساراپقا سالىنادى: 217ء-سى — ەرلەر اراسىندا، 204ء-ى — ايەلدەر اراسىندا جانە 39-ى — ارالاس رازريادتاردا. ازيادا-2026-دا قازاقستان قۇراماسىنىڭ ساپىندا 35 سپورت تۇرىنەن 558 سپورتشى ونەر كورسەتەدى.
ويىنداردىڭ ءبىرىنشى كۇنى قازاقستاندىقتار ءتورت التىن مەدال جەڭىپ الدى. ويىندار چەمپيوندارى اتانعاندار: ۆەلوشاباندوزدار ريناتا سۇلتانوۆا مەن الەكسەي لۋسەنكو، سونداي-اق كاراتەشىلەر جولامان بيگابىل مەن سوفيا بەرۋلسەۆا. ەكىنشى كۇننەن كەيىن قازاقستان بەيرەسمي مەدال ەسەبىندە ءتورتىنشى ورىندا تۇردى.